باتىس قازاقستاندىق شارۋا ەگىس القابىنا كىرگەن جىلقىلاردى اتىپ تاستاعان

ورال. قازاقپارات - باتىس قازاقستان وبلىسىنىڭ تۇرعىنى ەگىس القابىنا كىرگەن ەكى جىلقىنى اتىپ تاستاعان، دەپ حابارلايدى قازاقپارات ءتىلشىسى.
None

ب ق و پوليتسيا دەپارتامەنتىنىڭ باسپا ءسوز قىزمەتىنەن ءمالىم ەتكەنىندەي، وقيعا 24- شىلدە كۇنى تەرەكتى اۋدانى ۇزىنكول اۋىلى ماڭىندا بولدى.

«شامامەن ساعات 17.00 دە 1968 -جىلعى تۇرعىن ءوزىنىڭ ەگىستىك القابىندا تىركەلمەگەن مىلتىقپەن ەكى جىلقىنى اتىپ تاستاعان. سونىڭ سالدارىنان 1961 -جىلعى تۇرعىنعا 1,2 ميلليون تەڭگە كولەمىندە زالال كەلتىرىلگەن. اتالعان دەرەك بويىنشا 25-شىلدە كۇنى تەرەكتى اۋدانى پوليتسيا ءبولىمى ق ر ق ك 202-بابى 1-بولىمىنە (بوتەننىڭ مۇلكىن قاساقانا جويۋ نەمەسە ءبۇلدىرۋ) سايكەس قىلمىستىق ءىس قوزعاپ، تەرگەۋ امالدارىن باستادى. سونىڭ بارىسىندا حاتتامامەن 1968 -جىلعى تۇرعىننان 16 ۇڭعىلى مىلتىق الىنىپ، ب ق و پوليتسيا دەپارتامەنتىنىڭ جەدەل كريميناليستيكالىق باسقارماسىنا زەرتتەۋگە جىبەرىلدى. مىلتىقتى زاڭسىز ساقتاعانى ءۇشىن اتالعان ازاماتتى اكىمشىلىك جاۋاپكەرشىلىككە تارتۋ ماسەلەسىن قاراۋ ءۇشىن ماتەريال جەرگىلىكتى پوليتسيا قىزمەتى بولىمىنە جولداندى»، - دەپ حابارلادى ۆەدومستۆودان.

اۋىل تۇرعىنى ءعادىل ساربايەۆتىڭ ايتۋىنشا، جىلقى «قارابۇلاق» شارۋا قوجالىعىنا تيەسىلى. قوجالىق ءىنىسى مارات ساربايەۆتىڭ اتىندا.

«اتىلعان وقتان تاعى ەكى جىلقى جاراقاتتانعان» ، - دەدى ع. ساربايەۆ.


سوڭعى جاڭالىقتار