سىمعا ءىلىنىپ قالعان: تىكۇشاقتىڭ جانتۇرشىگەرلىك اپاتقا ۇشىراعان ۆيدەوسى تارادى

وقيعا قازاقستان شەكاراسىنا جاقىن اۋماقتا، تۇڭعىر اۋىلى ماڭىندا بولعان. جانتۇرشىگەرلىك ۆيدەو Mash تەلەگرام-ارناسىندا جاريالاندى. كادرلارعا تىكۇشاقتىڭ قۇلاعان ءساتى ءتۇسىپ قالعان. ول باستاپقىدا قونۋعا دايىندالىپ، جەرگە جاقىنداپ كەلە جاتقانى كورىنەدى. قونۋعا تاياعاندا تىكۇشاق جاقىن ماڭدا تۇرعان باعاناداعى سىمداردى ءىلىپ كەتىپ، اينالىپ جەرگە قۇلايدى.
تىكۇشاق قۇلاعاننان كەيىن ءورت شىققان.
ارنا مالىمەتىنشە، بورتتا بارلىعى 16 ادام بولعان: 13 تۋريست جانە ءۇش ەكيپاج مۇشەسى. ولار ءسىبىردىڭ ەڭ بيىك شىڭى بەلۋحادان قايتىپ كەلە جاتقان. الدىن الا مالىمەت بويىنشا، اپات سالدارىنان جەتى ادام زارداپ شەككەن، تاعى التاۋىن قۇتقارۋ مۇمكىن بولماعانى ايتىلدى.
كەيىنىرەك اپاتقا ۇشىراعان مي-8 ۇشاعىنىڭ ءۇش جولاۋشىسى اۋىر حالدە - دەنەلەرىنىڭ 90 پايىزىن كۇيىك شالعانى حابارلاندى.