اسكەرگە شاقىرىلعانداردىڭ سۋيتسيدكە بەيىمدىگىن ەندى ارنايى كەشەننىڭ كومەگىمەن انىقتايدى

استانا. قازاقپارات - ورتالىق كوممۋنيكاتسيالار قىزمەتىندە وتكەن بريفينگىدە قورعانىس ءمينيسترىنىڭ ورىنباسارى دارحان احمەديەۆ «اق-سۇڭقار» امبەباپ پسيحودياگنوستيكالىق كەشەنىنىڭ مۇمكىندىكتەرىن ايتتى، دەپ حابارلايدى قازاقپارات ءتىلشىسى.
None

«قارۋلى كۇشتەردەگى سۋيتسيدتىك مىنەز-قۇلىققا جانە باسقا دا ديەۆيانتتى مىنەز-قۇلىققا بەيىم ادامداردى ۋاقتىلى انىقتاۋعا ارنالعان «اق-سۇڭقار» امبەباپ پسيحودياگنوستيكالىق كەشەندەرىن ەنگىزىلىپ جاتىر. كەشەندە 60 تان استام پسيحولوگيالىق قۇرالدار بازاسى بار جانە ول پسيحولوگيالىق زەرتتەۋ ناتيجەلەرىن اۆتوماتتى تۇردە وڭدەۋگە مۇمكىندىك بەرەدى. سىرتتان ارالاسۋعا، ياعني ناتيجەلەردى بۇرمالاۋعا جول بەرىلمەيدى، فوتو-ۆيدەو جازبا جاساۋ، سونداي-اق ادامنىڭ پسيحوفيزيولوگيالىق كورسەتكىشتەرىن ولشەۋ جۇرگىزەدى. كەيىننەن وسى كەشەندەردى اسكەري وقۋ ورىندارىنا جانە كەلىسىمشارت بويىنشا اسكەري قىزمەتكە كاسىبي جانە پسيحولوگيالىق ىرىكتەۋ بارىسىندا قولدانۋ جوسپارلانۋدا»، - دەپ توقتالدى دارحان احمەديەۆ و ك ق- دا وتكەن بريفنگىدە.

سونداي-اق سپيكەر 17 جاستاعى بالالاردى اۆتوماتتى تۇرگە اسكەري ەسەپكە قويۋدان 1 ميلليارد تەڭگە ۇنەمدەلەتىنىن ايتتى.

بۇعان قوسا، اسكەردەن جالتارۋ ءۇشىن جالعان انىقتاما جاساعاندار انىقتالعان.


سوڭعى جاڭالىقتار