19:30, 27 - شىلدە 2023 | GMT +5
استانالىق جاس تاەكۆوندوشى مەكسيكادا الەم چەمپيونى اتاندى
استانا. قازاقپارات - مەكسيكانىڭ مازاتلان قالاسىندا مەكتەپ وقۋشىلارى اراسىندا تاەكۆوندودان العاشقى الەم چەمپيوناتى ءوتتى.

استانادان بارعان جاس سپورتشى اياتجان ءامىرحانوۆ تۋرنيردە چەمپيون اتاندى، - دەپ حابارلايدى ەلوردا اكىمدىگىنىڭ رەسمي سايتى.
تۋرنير ماۋسىم ايىنىڭ سوڭىندا ءوتتى، وعان الەمنىڭ 14 ەلىنەن كەلگەن وقۋشىلار قاتىستى.
قازاقستان قۇراما كومانداسىنا «King Club Astana» جانە «Legion» وتاندىق تاەكۆوندو كلۋبتارىنىڭ ۇزدىك وكىلدەرى كىردى.
جارىستىڭ ءبىرىنشى كۇنى استانا قالاسىنىڭ «نۇر-وردا» مەكتەپ-ليتسەيىنىڭ 6-سىنىپ وقۋشىسى اياتجان ءامىرحانوۆ (جاتتىقتىرۋشىلارى - ارال سادىقوۆ، دينارا قابدۋلوۆا) 12 جاسقا دەيىنگى توپتا 50 كەلىگە دەيىنگى سالماق دارەجەسىندە الەم چەمپيونى اتاعىنا يە بولدى.
كوماندالىق ەسەپتە قازاقستان قۇراماسى تايۆان مەن برازيليا قۇرامالارىنان كەيىنگى ءۇشىنشى كوماندالىق ورىنعا جايعاستى.