اسكەري مىندەتىن وتەگەندەرگە قانداي جەڭىلدىكتەر ۇسىنىلادى

«ءبىلىم بەرۋ جەڭىلدىكتەرىن بەرۋ ارقىلى مەرزىمدى اسكەري قىزمەتتىڭ ۋاجدەمەسىن ارتتىرۋ بويىنشا «سروچنيكي 2.0» جوباسى ىسكە اسىرىلدى. «سروچنيكي 2.0» سيفرلىق پلاتفورماسى ەلىمىزدىڭ جوعارى وقۋ ورنى ەسەبىنەن ءبىلىم الۋ ءۇشىن مەرزىمدى قىزمەتتىڭ اسكەري قىزمەتشىلەرى اراسىندا كونكۋرستىق ىرىكتەۋ جۇرگىزۋگە مۇمكىندىك بەرەدى. بۇل جۇيەدە مەرزىمدى اسكەري قىزمەتشىلەردىڭ بارلىق باعالارىن ولاردى اۋىستىرۋ مۇمكىندىگىنسىز كورسەتىلەدى. جۇيە مەرزىمدى اسكەري قىزمەتشىلەردىڭ رەيتينگىن ولاردىڭ قورىتىندى باعالارى بويىنشا اۆتوماتتى تۇردە قۇراستىرادى جانە اۆتوماتتى تۇردە جوعارى وقۋ ورىندارىنا تاراتادى»، - دەپ ءتۇسىندىردى دارحان احمەديەۆ و ك ق- دا وتكەن بريفنگىدە.
ءمينيستردىڭ ورىنباسارى اتاپ وتكەندەي، مەرزىمدى اسكەري مىندەتىن وتەگەن ازاماتتارعا مىنا جەڭىلدىكتەر ۇسىنىلادى:
- قىزمەت اياقتالعاننان كەيىن 2 جىل ىشىندە اقىلى نەگىزدە ۇ ب ت- نى ەسەپتەمەگەندە جوعارى وقۋ ورنىنا (ج و و) ءتۇسۋ؛
- ۇ ب ت ەسەبىنسىز ج و و ەسەبىنەن وتەۋسىز نەگىزدە جاۋىنگەرلىك دايارلىق جانە اسكەري ءتارتىپ بويىنشا جوعارى ناتيجە كورسەتكەن تۇلعالاردىڭ ج و و- عا ءتۇسۋى؛
- ج و و اسكەري كافەدراسىنا ءتۇسۋ ەمتيحاندارىنسىز، وتەۋسىز نەگىزدە ءتۇسۋ (ياعني، ازامات ج و و- دا اقىلى نەمەسە تەگىن ءبىلىم الادى)؛
- قورعانىس مينيسترلىگىنىڭ جوعارى وقۋ ورىندارىنا ەمتيحان تاپسىرماي ءتۇسۋ. ولاردى قارۋشى كۇشتەردىڭ اسكەري بولىمدەرىندە بۇرىن جۇرگىزىلگەن قابىلداۋ ناتيجەلەرى بويىنشا جۇزەگە اسىرىلادى.
«ءبىلىم الۋ ءۇشىن 1500 ورىن ءبولىندى، ىشىندە قورعانىس مينيسترلىگىنىڭ جوعارى وقۋ ورىندارىندا - 850 ورىن. جالپى كونكۋرستىق ىرىكتەۋگە 12548 سارباز قاتىستى»، - دەپ توقتالدى دارحان احمەديەۆ.
سونداي-اق سپيكەر 17 جاستاعى بالالاردى اۆتوماتتى تۇرگە اسكەري ەسەپكە قويۋدان 1 ميلليارد تەڭگە ۇنەمدەلەتىنىن ايتتى.
بۇعان قوسا، اسكەردەن جالتارۋ ءۇشىن جالعان انىقتاما جاساعاندار انىقتالعان.