حورۆاتيالىق كاسىپكەر قازاقستانعا نە ءۇشىن ميللياردتاعان سوما اۋدارعانىن ءتۇسىندىردى

استانا. قازاقپارات - كۇنى كەشە Forbes- ءتىڭ رەسەيلىك تىزىمىندەگى ميللياردەر ۆاسيلي انيسيموۆ «قازاقستان حالقىنا» قورىنا 22,3 ميلليارد قارجى اۋدارعانىن ءتۇسىندىرىپ بەردى.
None

حورۆاتيالىق ازاماتتىعى بار كاسىپكەر Tengrinews.kz رەداكسياسىنا ەكسكليۋزيۆ سۇحبات بەردى.

ايتا كەتەيىك، ۆاسيلي انيسيموۆ الماتىدا تۋعان. ول «قازاقستان حالقىنا» قورىنا 22,3 ميلليارد تەڭگە (50 ميلليون دوللار) اۋدارعان.

«قورعا نە ءۇشىن اقشا اۋداردىم؟ ونى ءتۇسىندىرىپ بەرە الامىن. Forbes تىزىمىندەگىلەر: «قازاقستانعا كومەكتەسۋ كەرەك» دەدى. كوپتەگەن گازەتتە جازىپ جۇرگەندەي ءبىز قىرۋار قارجى تاپتىق. 22 ميلليارد بەرگەنىمنەن ءومىرىم وزگەرىپ كەتەدى دەپ ويلامايمىن.

ءوز قاراجاتىما استانادا شاتىر ورناتتىم («حان شاتىر» ساۋدا ورتالىعى - ەسك.). فەتتاح تاميندجەمەن بىرگە سالدىق - ەكەۋىمىز اقشا سالدىق. ول جوبادان اقشا تاپتىم دەپ ايتا المايمىن. ادەمى «تۋىندى»، ءبىراق وعان قاتتى ءتانتى بولدىم دەپ ايتا المايمىن. ارتىنشا ءوزىمنىڭ ۇلەسىمدى فەتتاحتىڭ سەرىكتەسىنە ساتتىم. سوندىقتان قازاقستاننىڭ كەز كەلگەن تۇرعىنىنىڭ كوزىنە تىك قاراي الامىن. اقشا اۋدارعانىمنان جانىم جاي تاپقانداي. مەن ەشتەڭەنى جاريا ەتكەن جوقپىن، ونى مەنسىز ءبىلىپ العان. ول اقشانى اۋدارعانىممەن مۇنداي بولادى دەپ ويلامادىم. مەن قازاقستانعا مۇمكىندىگىم باردا كومەكتەسكەنىمدى بىلەمىن. مۇمكىندىگىڭ بولماسا، سايكەسىنشە، كومەكتەسە دە المايسىڭ»، - دەيدى كاسىپكەر.

ۆاسيلي انيسيموۆ اقشانى ءوزى جىبەرگەنىن ايتادى.

«ەشكىم ماعان ەشقانداي كەڭەس بەرگەن جوق، ەشكىم ەشتەڭە سۇراعان جوق. مەن تەك جىگىتتەردەن (Forbes تىزىمىندەگى كاسىپكەرلەردەن - ەسك) ولار قانشا جىبەرگەنىن سۇرادىم ولار 60 ميلليون دوللارداي جىبەرگەنىن ايتتى. مەن 50 ميلليون دوللار جىبەردىم. بولدى. ونى تەڭگەگە شاققاندا ۇلكەن سوما شىقتى. بىلاي دا از سوما ەمەس. سوندىقتان مەنى جارنامالاۋدىڭ قاجەتى جوق»، - دەيدى كاسىپكەر.

ەسكە سالايىق، 26- شىلدەدە «قازاقستان حالقىنا» قورىنا حورۆاتيالىق ازاماتتان قوماقتى سوما اۋدارىلعانى بەلگىلى بولدى. ول قورعا 22,3 ميلليارد تەڭگە اۋدارعان.

قورعا قىرۋار قارجىنى الماتى قالاسىنىڭ تۋماسى، قازىر حورۆاتيا ازاماتتىعىن العان رەسەيلىك كاسىپكەر ۆاسيلي انيسيموۆ بەرگەن. كاسىپكەردىڭ بىرنەشە اليۋميني زاۋىتتارى جانە الكوگول وندىرەتىن كاسىپورىندارى بار. 2022-جىلى انيسيموۆ 1,6 ميلليارد دوللار بايلىعىمەن رەسەي فەدەراتسياسىنىڭ ەڭ باي كاسىپكەرلەرى تىزىمىندە 54- ورىندى يەلەنگەن. انيسيموۆ 2010-2022-جىلدار ارالىعىندا رەسەي دزيۋدو فەدەراتسياسىن باسقاردى.


سوڭعى جاڭالىقتار