استانادا اۆتوبۋس جۇرگىزۋشىسىنىڭ جۇرەگى توقتاپ قالدى
وقيعانىڭ كادرلارى الەۋمەتتىك جەلىدە پايدا بولدى.
CTS كولىك كومپانياسىنىڭ باسپا ءسوز قىزمەتى وقيعانىڭ 27- شىلدە كۇنى ساعات 10:20 دا بوگەنباي باتىر داڭعىلىندا، بەيبىتشىلىك ايالداماسىنا جاقىن جەردە بولعانىن حابارلادى.
«باعىت بويىنشا كەلە جاتقان 1961-جىلى تۋعان جۇرگىزۋشى ەسىنەن تانىپ، سالدارىنان جول شەتىندەگى قورشاۋ مەن جارىقتاندىرۋ باعاناسىنا سوعىلىپ، كەيىن جاياۋ جۇرگىنشىلەرگە ارنالعان جولعا شىعىپ كەتكەن. جۇرگىزۋشى اۋرۋحاناعا جەتكىزىلگەنىمەن ەسىن جيماستان كوز جۇمدى.
ءولىمنىڭ نەگىزگى سەبەبى - جۇرەكتىڭ توقتاپ قالۋى. اۆتوبۋس جۇرگىزۋشىسىنىڭ 15 جىلدىق تاجىريبەسى بولعان. جۇرگىزۋشى دەمالىستان كەيىنگى 2-كۇنى جۇمىسقا شىقتى. جۇمىس الدىندا ساعات 05:54 تە مەديتسينالىق تەكسەرۋدەن وتكەن»، - دەدى CTS كولىك كومپانياسىنىڭ باسپا ءسوز قىزمەتى.
وقيعا سالدارىنان زارداپ شەككەندەر جوق.
«ءبىز وتباسى مەن جاقىندارىنا شىن جۇرەكتەن كوڭىل ايتامىز»، - دەدى CTS كولىك كومپانياسى.
Посмотреть эту публикацию в Instagram
