جاز باستالعالى ەلىمىزگە كەلگەن تۋريستەر سانى ارتتى

استانا. قازاقپارات - جاز باستالعالى قازاقستانعا كەلگەن شەتەلدىكتەر سانى 3 ەسە ارتتى، دەپ حابارلايدى قازاقپارات.
None

«eQonaq اقپاراتتىق جۇيەسىنىڭ دەرەگى بويىنشا 1- ماۋسىم مەن 23- شىلدە ارالىعىندا ەلىمىزدىڭ قوناق ۇيلەرىندە 250468 شەتەل ازاماتى توقتاعان. بۇل بىلتىرعى سايكەس كەزەڭمەن سالىستىرعاندا 3 ەسەدەن ارتىق. 2022-جىلى وسى كەزەڭدە 77645 شەتەلدىك تۋريس وتاندىق قوناق ۇيلەردە دەمالعان»، - دەلىنگەن مادەنيەت جانە سپورت مينيسترلىگى مالىمەتىندە.

اتاپ ايتقاندا، ت م د ەلدەرىنەن كەلگەن تۋريستەر سانى 180 مىڭ نەمەسە %72 بولعان. ءبىر قىزىعى، بىلتىر ءدال وسى كورسەتكىش %77 بولعان ەدى. ياعني، الىس شەتەلدەن كەلگەن تۋريستەردىڭ ۇلەسى ارتىپ وتىر.

ماسەلەن، موڭعوليادان 11,6 ەسە (489 دان 5683 كە دەيىن) قىتاي - 8,5 ەسە (2223/ 18954)، ءۇندىستان - 4,7 ەسە (1245/5887)، وڭتۇستىك كورەيا - 3,8 ەسە (939/3585)، يران - 3,8 ەسە (237/897)، گەرمانيا - 3 ەسە (1659/5 054)، سونداي-اق ا ق ش- تان 2,2 ەسە (1237/2761) ءوستى.

شەتەلدىك تۋريستەردىڭ ەلىمىزگە دەمالۋعا كەلەتىن باستى باعىتتارى: الماتى قالاسى (1- ماۋسىم مەن 23- شىلدە ارالىعىندا - 77308 تۋريست)، استانا قالاسى (38463 تۋريست)، الماتى وبلىسى (19049 تۋريست) جانە ماڭعىستاۋ وبلىسى (15062 تۋريست).


سوڭعى جاڭالىقتار