گازدى جەر قاباتىنا كەرى ايداۋ ءتيىمدى - ءاليحان سمايىلوۆ

«بۇگىندە 80 جەر قويناۋىن پايدالانۋشىنىڭ ىشىندە 7 كومپانيا جىلىنا شامامەن 18 ميلليارد تەكشە مەتر گازدى جەر قاباتىنا كەرى ايداۋدى جۇزەگە اسىرادى. ونىڭ ىشىندە بارلىق كەرى ايدالعان گازدىڭ 82 پايىزى ەكى ءىرى مۇناي-گاز ءوندىرۋشى كومپانيا - «قاراشىعاناق پەترولەۋم وپەرەيتينگ ب. ۆ.» (11,1 ميلليارد تەكشە مەتر) جانە «تەڭىزشيەۆرويل» ج ش س- عا تيەسىلى (3,6 ميلليارد تەكشە مەتر)»، - دەپ اتاپ وتەدى ۇكىمەت باسشىسى جاۋابىندا.
پرەمەردىڭ مالىمەتىنشە، گازدى جەر قاباتىنا كەرى ايداۋ ءوزىنىڭ تيىمدىلىگىن كورسەتىپ وتىر.
«جۇرگىزىلگەن زەرتتەۋ ناتيجەسىنە سايكەس، كەن ورىندارىندا گازدى كەرى ايداۋ ءوزىنىڭ تيىمدىلىگىن كورسەتىپ وتىر. مۇنىڭ ۇستىنە گازدى كەرى ايداۋدى قىسقارتۋ مۇناي ءوندىرۋدىڭ قۇلدىراۋ قارقىنىن ارتتىرادى جانە مۇناي شىعارۋ كوەففيتسيەنتىن تومەندەتەدى. بۇعان قوسا، تاۋارلىق گازدىڭ قوسىمشا كولەمىن ساتۋدان تۇسەتىن پايدا مۇناي ءوندىرۋ كولەمىنىڭ تومەندەۋىمەن بايلانىستى ايتارلىقتاي ەكونوميكالىق شىعىندى جاپپايدى»، - دەپ تۇسىندىرەدى ءاليحان سمايىلوۆ.