قۇلدىققا تۇسكەن جەتى جاسوسپىرىمنىڭ ءىسى سوتتا قارالىپ جاتىر

استانا. قازاقپارات - ەلىمىزدىڭ وڭتۇستىك وبلىستارىندا كامەلەت جاسىنا تولماعان جاسوسپىرىمدەر قۇلدىققا تۇسكەن. ۇيىمداسقان توپ قۇرىقتالىپ، بۇگىندە ءىس سوتتا قارالىپ جاتىر. بۇل تۋرالى ءى ءى م ادام ساۋداسىنا قارسى كۇرەس باسقارماسىنىڭ باسشىسى سامات كۋسەتوۆ ايتىپ بەردى، دەپ حابارلايدى قازاقپارات ءتىلشىسى.
None

«وتكەن جىلى ەلىمىزدىڭ وڭتۇستىك وبلىستارىندا ۇزاق ۋاقىت بويى ادام ساۋداسىمەن اينالىسقان 11 ادامنان تۇراتىن ۇيىمداسقان توپ ۇستالدى. ولار ەلىمىزدىڭ ءار وڭىرىندە تانىستارى مەن الەۋمەتتىك جەلىلەر ارقىلى جاس قىزداردىڭ سەنىمىنە كىرىپ، تابىسى جوعارى جۇمىس ۇسىنعان. كەيىن ولاردىڭ قۇجاتتارىن الىپ قويىپ، ايتقاندارىنا باعىنباعان جاعدايدا زورلىق- زومبىلىق كورسەتىپ، بوپسالاعان. سول سياقتى ويدان شىعارىلعان ايىپپۇلدار قولدانىلىپ، ەسىرتكى قولدانۋعا ماجبۇرلەگەن»، - دەدى سامات كۋسەتوۆ ەلوردادا ءوتىپ جاتقان «ادام ساۋداسىنا قارسى كۇرەستە ۇلتتىق جانە حالىقارالىق سەرىكتەستىكتى نىعايتۋ» اتتى حالىقارالىق كونفەرەنسيادا.

ءى ءى م وكىلىنىڭ ايتۋىنشا، ادام ساۋداسى جانە قۇلدىققا نەگىزىنەن الەۋمەتتىك تۇرعىدان توپتار تاپ بولادى.

«ۇيىمداسقان توپتى قۇرىقتاۋدىڭ ناتيجەسىندە بارلىعى 15 جابىرلەنۋشى انىقتالدى. ونىڭ ىشىندە جەتەۋى - كامەلەتكە تولماعان ءجاسوسپىرىم. قازىرگى ۋاقىتتا قىلمىستىق ءىس سوتتا قارالىپ جاتىر»، - دەيدى ول.

سوڭعى جاڭالىقتار