قازاقستاندا كىمدەر قۇلدىققا كوپ تۇسەدى

«ادام ساۋداسىمەن كۇرەس تۋرالى زاڭ قازىر ءماجىلىستىڭ قاراۋىنا جىبەرىلدى. جالپى بۇل سالادا ءبىراز جۇمىس اتقارىلىپ جاتىر. ەلىمىزدە جىلىنا ادام ساۋداسى بويىنشا 100-دەن استام قىلمىس تىركەلەدى. ءبىز سالدارىمەن كۇرەسەمىز، ەندى ءبىز ونىڭ سەبەپتەرىن انىقتاۋىمىز كەرەك. بۇل جەردە قۇزىرلى مەملەكەتتىك ورگاندار مەن حالىقارالىق ۇيىمداردىڭ بىرلەسىپ ارەكەت ەتۋى ماڭىزدى»، - دەدى قاليوللا سەيتەنوۆ ەلوردادا ءوتىپ جاتقان حالىقارالىق كونفەرەنسيادا.
ونىڭ ايتۋىنشا، وتانداستارىمىز كوبىنە قۇلدىققا باحرەين ەلىندە تاپ بولادى.
«ادام ساۋداسىنا نەمەسە قۇلدىققا كوبىنە شەتەلگە جۇمىسقا بارۋ ارقىلى تاپ بولادى. جۇمىس ىستەيمىز دەپ، سوڭىندا الدانىپ قالادى. قۇلدىققا كوبىنە ايەلدەر جانە كامەلەت جاسىنا تولماعان جاسوسپىرىمدەر تۇسەدى. وسى ورايدا الدانىپ قالماۋ ءۇشىن زاڭدى ءبىلىپ، ساقتاپ، ونىڭ رەسميلىگىن انىقتاۋ قاجەت»، - دەيدى ول.
ايتا كەتەيىك، ەلوردادا «ادام ساۋداسىنا قارسى كۇرەستە ۇلتتىق جانە حالىقارالىق سەرىكتەستىكتى نىعايتۋ» اتتى حالىقارالىق كونفەرەنسيا ءوتىپ جاتىر.
اتالعان ءىس- شاراعا قازاقستان، قىرعىزستان، وزبەكستان، تۇركمەنستان جانە تاجىكستان ەلدەرىنىڭ وكىلدەرى قاتىسىپ جاتىر.