10:47, 27 - شىلدە 2023 | GMT +5
استانادا تەرروريزمگە قارسى وقۋ- جاتتىعۋ وتەدى
استانا. قازاقپارات - 27-28 -شىلدە كۇندەرى ق ر تەرروريزمگە قارسى كۇرەس ورتالىعىنىڭ ۇيىمداستىرۋىمەن تەرروريزمگە قارسى استانا قالالىق شتابى جوسپارلى وقۋ- جاتتىعۋ وتكىزەدى، دەپ حابارلايدى قازاقپارات شتابتىڭ باسپا ءسوز قىزمەتىنە سىلتەمە جاساپ.

تەرروريزمگە قارسى وقۋ- جاتتىعۋدىڭ ماقساتى - قۇقىق قورعاۋ جانە ارنايى ورگانداردىڭ لاڭكەستىك كورىنىستەرىنە شۇعىل ارەكەت ەتۋ بويىنشا دايىندىعىن تەكسەرۋ.
«شەكتەۋ شارالارى، سونىڭ ىشىندە جاياۋ جۇرگىنشىلەر مەن كولىكتەردىڭ قوزاعىلىسىنا تىيىم سالۋ جوسپارلانعان. وقۋ- جاتتىعۋ ءتۇرلى كۇردەلەلىك ەلەمەنتتەرىن قامتي وتىرىپ، شىنايى ۇرىس جاعدايلارىنا بارىنشا جاقىنداتىلعان.
ازاماتتاردى وتكىزىلەتىن وقۋ ءىس- شارالارىنا تۇسىنىستىكپەن قاراپ، قاۋىپسىزدىك شارالارىن ساقتاۋعا، جۇمىلدىرىلعان مەملەكەتتىك ورگاندار قىزمەتشىلەرىنىڭ زاڭدى تالاپتارىن ورىنداۋعا، تەك رەسمي اقپارات كوزدەرىنە سەنۋگە جانە حالىق اراسىندا جالعان اقپاراتتىڭ تارالۋىنا جول بەرمەۋگە شاقىرامىز»، - دەپ ءمالىم ەتتى تەرروريزمگە قارسى استانا قالالىق شتابىنان.