قىتاي تابيعات اپاتىنىڭ جاقىنداپ قالۋىنا وراي قاۋىپسىزدىك شارالارىن كۇشەيتتى

گۋاڭجوۋ. شينحۋا - قازاقپارات - كەشە 17:00-دە وڭتۇستىك قىتايدىڭ گۋاڭدۋڭ پروۆينتسياسىنىڭ سۋ تاسقىنى مەن قۇرعاقشىلىقپەن كۇرەس شتابى «دوكسۋري» تايفۋنى جاقىنداپ قالعانىنا بايلانىستى قاۋىپسىزدىك شارالارىن كۇشەيتتى، دەپ حابارلايدى قازاقپارات شينحۋا اگەنتتىگىنە سىلتەمە جاساپ.
None

پروۆينتسيانىڭ مەتەورولوگيا قىزمەتى بۇل كەيىنگى ون جىلدا گۋاڭدۋڭ پروۆينتسياسىنىڭ شىعىسىنا تونگەن ەڭ كۇشتى تايفۋن بولۋى مۇمكىن دەپ مالىمدەدى.

مەتەوقىزمەتتەردىڭ حابارلاۋىنشا، ءبىرقاتار اۋداندا «دوكسۋريمەن» قاتار نوسەر جاڭبىر جاۋىپ، كۇشتى جەل تۇرادى. جەرگىلىكتى بيلىك الدىن الا ەسكەرتۋ جاريالاپ، جاقىن ماڭداعى كەمەلەر مەن سۋلاردا جۇمىس ىستەيتىن جۇمىسشىلاردى ۋاقىتىندا كەلىپ، ايلاقتارىنا تىعىلۋعا شاقىردى.

شانتوۋ قالاسىنىڭ تەمىرجول ۆوكزالى سارسەنبىدەن جەكسەنبىگە دەيىن ءبىرقاتار جۇردەك پويىزداردىڭ قوزعالىسىن توقتاتا تۇرادى.

بۇگىن قىتايدىڭ شىعىسىنداعى جىجياڭ پروۆينتسياسىندا تايفۋنعا جەدەل ارەكەت ەتۋ رەجيمىنىڭ ءتورتىنشى دارەجەسى ەنگىزىلدى. قازىرگى ۋاقىتتا پروۆينتسياداعى تەڭىز داقىلدارىمەن اينالىساتىن 1588 ادامنىڭ ءبارى جاعاعا شىعىپ، 15603 بالىق اۋلايتىن كەمە ايلاقتارعا تىعىلدى.

ق ح ر ۇلتتىق مەتەورولوگيا قىزمەتى بۇگىن تاڭەرتەڭ بيىل بەسىنشى رەت قايتالانۋى مۇمكىن «دوكسۋري» تايفۋنىنا بايلانىستى ەلدەگى جاعىمسىز اۋا رايىن ەسكەرتەتىن ەڭ جوعارعى - «قىزىل» دارەجەسىن ەنگىزدى.

ۇمق مالىمەتى بويىنشا، قۋاتتى تايفۋن فۋجيان پروۆينتسياسى جينجياڭ قالاسىنىڭ جاعالاۋداعى اۋداندارى مەن فۋجيان جانە گۋاڭدۋڭ پروۆينتسيالارى تۇيىسكەن جاعالاۋداعى اۋداندارعا جۇما كۇنى شىعۋى مۇمكىن.


سوڭعى جاڭالىقتار