ماڭعىستاۋ وبلىستىق دەنە شىنىقتىرۋ باسقارماسىنىڭ باسشىسى اقتالىپ، قىزمەتىنە ورالدى

اقتاۋ. قازاقپارات - سوت شەشىمى بويىنشا ايىپتاۋدان اقتالعان قانات جۇمابايەۆ ماڭعىستاۋ وبلىستىق دەنە شىنىقتىرۋ جانە سپورت باسقارماسىنىڭ باسشىسى قىزمەتىنە قايتا كىرىستى.
None

بۇل تۋرالى وبلىس اكىمدىگىنىڭ باسپا ءسوز قىزمەتىنەن ءمالىم ەتتى، دەپ حابارلايدى قازاقپارات ءتىلشىسى.

«قانات جۇمابايەۆ 19-شىلدەدە جۇمىسىنا رەسمي تۇردە ورالدى»، - دەلىنگەن باسپا ءسوز مالىمدەمەسىندە.

ول وتكەن جىلدىڭ تامىز ايىندا «بيۋدجەت قاراجاتىن جىمقىردى» دەگەن كۇدىككە ىلىنگەن بولاتىن. توعىز ايعا جۋىق تەرگەۋدە بولىپ، مامىر ايىندا سوت شەشىمى بويىنشا تولىق اقتالدى.

قانات قوشقارباي ۇلىنىڭ ەڭبەك جولى سپورت سالاسىمەن تىعىز بايلانىستى. ول جاتتىقتىرۋشىلىقتان باستاپ مەملەكەتتىك قىزمەتتەگى باسشىلىق لاۋازىمعا دەيىنگى جولدان ءوتتى.

ايتا كەتسەك، ماڭعىستاۋ وبلىسىنىڭ دەنە شىنىقتىرۋ جانە سپورت باسقارماسى باسشىسى مىندەتىنە 2021 -جىلدىڭ قاڭتار ايىندا كىرىسكەن ەدى.


سوڭعى جاڭالىقتار