انتاركتيدادان تاڭعاجايىپ ءپىشىندى تاۋ تابىلدى

نيۋ-يورك. قازاقپارات - انتاركتيدانىڭ سپۋتنيكتەن تۇسىرىلگەن سۋرەتتەرىنەن پيراميدا ءتارىزدى تاۋ تابىلدى، دەپ حابارلايدى قازاقپارات Unilad سايتىنا سىلتەمە جاساپ.
None
Фото: YouTube / History

مىسىرداعى ۇلى گيزا پيراميداسىنا ۇقسايتىن ەكى دە ەكى شارشى شاقىرىم بولاتىن ۇلكەن تاۋ جەلى قولدانۋشىلارىن تاڭعالدىردى.

Twitter قولدانۋشىلارىنىڭ ءبىرى: «بۇل سۋ تاسقىنىنا دەيىنگى وركەنيەتكە تيەسىلى. شامامەن 10000 جىل بۇرىن انتاركتيدا جىلى بولعان» دەگەن پىكىر ءبىلدىردى.

ايتا كەتەتىنى، عالىمدار انتاركتيدادا وسىمدىكتەر تىرشىلىگىنىڭ بەلگىلەرىن بۇرىننان تاپقان، بۇل لاندشافت ءبىر كەزدەرى ورتاشا تەمپەراتۋراسى شامامەن 12 °C بولاتىن تروپيكالىق ورمانمەن جابىلعان. بۇل شامامەن 83 ميلليون جىل بۇرىن بولعان، سوندىقتان پيراميدا سالىنۋى دا ابدەن مۇمكىن. الايدا ونىڭ پيراميدا ەمەس ەكەنىن دالەلدەيتىن تاعى ءبىر دەرەك بار. بۇل اقپارات تارالا باستاعاندا پروفەسسور ەريك رينو LiveScience جۋرنالىنا تىڭ جاڭالىق ايتتى. سۋرەتتەگى پيراميدا ەكەنى ايقىن كورىنگەنىمەن رينو: «بۇل پيراميداعا ۇقسايتىن تاۋ عانا»، - دەپ ءتۇسىندىردى.

بۇل پيراميدا شىن مانىندە «تاۋدىڭ پيراميدالى شىڭى» دەپ اتالاتىن مۇزدىق ايماقتاردىڭ ەرەكشەلىگى بولىپ سانالادى. ولار مۇزدىقتاردىڭ قۇرلىق ماسساسىنىڭ بۇيىرلەرىنە جاقىنداۋى ناتيجەسىندە پايدا بولادى.

«كوپتەگەن شىڭدار پيراميدالارعا ۇقسايدى، ءبىراق ولاردىڭ ءبىر نەمەسە ەكى قىرى بار، ءتورت قىرلىلارى وتە سيرەك»، - دەدى رينو.

ماسەلەن، يسلاندياداعى بۋلاندستيندۋر تاۋى جانە فارەر ارالىنداعى بوردويارنەس تاۋى.


سوڭعى جاڭالىقتار