ەلوردادا تۇندە جۇرەتىن اۆتوبۋستار ىسكە قوسىلا ما

استانا. قازاقپارات - «№1-اۆتوبۋس پاركى» ا ق باسقارما ءتوراعاسى مەدەت شاقايەۆ قالادا تۇندە جۇرەتىن اۆتوبۋس باعدارلارى ءتيىمسىز ەكەنىن ايتتى، دەپ حابارلايدى قازاقپارات ءتىلشىسى.
None

«ءبىز City Transportation Systems كولىك كومپانياسىمەن، كولىك باسقارماسىمەن بىرلەسە اۆتوبۋس باعدارلارىنا قاتىستى ماسەلەلەردى پىسىقتايمىز. بۇل تۇرعىدا اۆتوبۋس پاركى قىزمەت كورسەتەتىن بارلىق باعداردى، سونداي-اق جولاۋشىلار اعىنىن قاراستىرامىز. قازىرگى كەزدە تۇنگى اۆتوبۋستاردى ىسكە قوسۋ ءتيىمدى بولمايدى دەپ سانايمىز. ويتكەنى ولار پايدا اكەلمەيدى، جولاۋشىلار از بولادى. مۇنداي تۇنگى اۆتوبۋستار ءبىزدى شىعىنعا باتىرادى»، - دەدى م. شاقايەۆ استانا قالاسىنىڭ كوممۋنيكاتسيالار قىزمەتىندەگى باسپا ءسوز ءماسليحاتىندا.

ەسكە سالساق، 2017 -جىلى ەلوردادا جولاۋشىلاردىڭ از بولۋىنا قاتىستى تۇنگى ەكسپرەسس-باعدارلاردىڭ جۇمىسى توقتاپ قالعان ەدى.

ايتا كەتەيىك، قالادا 6 اۆتوبۋس پاركى قىزمەت كورسەتىپ جاتىر. كۇن سايىن ەلوردا كوشەلەرىندە 850 دەن استام اۆتوبۋس جۇرەدى. «№1 اۆتوبۋس پاركى» ەلوردانىڭ بۇكىل مارشرۋتتىق جەلىسىنىڭ شامامەن 70 پايىزىن قامتيدى، ياعني 38 قالالىق باعدارعا جانە 28 قالا ماڭىنداعى (%100) باعدارعا قىزمەت كورسەتىپ كەلەدى.

ەلوردادا اۆتوبۋستار قوزعالىسىنىڭ ۋاقىت ارالىعى 10-20 مينۋتتان 8-10 مينۋتقا دەيىن قىسقارتىلماق.

مەدەت شاقايەۆ استانادا اۆتوبۋسقا وتىراتىن جولاۋشىلاردىڭ جارتىسى جول اقىسىن تولەمەيتىنىن ايتتى.

سوڭعى جاڭالىقتار