ەلىمىزدە جەكە بروندى قورعانىس قۇرالدارىنىڭ سىناق زەرتحاناسى قۇرىلماق

استانا. قازاقپارات - ەلىمىزدە جەكە بروندى قورعانىس قۇرالدارىنىڭ سىناق زەرتحاناسى قۇرىلماق. بۇل جايىندا سەنات دەپۋتاتتارىنىڭ ساۋالىنا پرەمەر- مينيستر ءاليحان سمايىلوۆتىڭ جاۋابىندا ايتىلدى، دەپ حابارلايدى قازاقپارات ءتىلشىسى.
None

«قازىر مەملەكەتتىك ورگاندار قاراعاندى وبلىسىنداعى «Steel Manufacturing» ج ش س قازاقستاندىق پاترون زاۋىتىنىڭ بازاسىندا جەكە بروندى قورعانىس قۇرالدارىنىڭ (بروندى جيلەتتەر مەن دۋلىعالار) سىناق زەرتحاناسىن قۇرۋ ماسەلەسىن پىسىقتاپ جاتىر. الدىن الا تالداۋعا سايكەس، سەرىكتەستىكتىڭ قولىندا بار ينفراقۇرىلىم (50 م، 100 م جانە 200 م- لىك بالليستيكالىق زەرتحانا، زەرتحانالىق جابدىقتار - سورعى شكاف، بەرىكتىلىكتى ولشەۋگە ارنالعان اسپاپ، رن ولشەگىش، مەتاللۋرگيالىق ميكروسكوپ، سپەكترومەتر جانە ت. ب. ) ۇلكەن قارجىلىق شىعىندارعا جۇگىنبەي- اق جەكە بروندى قورعانىس قۇرالدارىنىڭ سىناق ورتالىعىن ۇيىمداستىرۋعا مۇمكىندىك بەرەدى»، - دەدى ءاليحان سمايىلوۆ.

ونىڭ دەرەگىنشە، اتالعان سەرىكتەستىكتىڭ ينفراقۇرىلىمى شامامەن 100 ميلليون تەڭگەنى ۇنەمدەۋگە مۇمكىندىك بەرەدى.

«بيۋدجەتتى قالىپتاستىرۋ ءراسىمىن، جابدىقتى ساتىپ الۋ جانە اككرەديتتەۋدەن ءوتۋ راسىمدەرىن ەسكەرە وتىرىپ، جوبانى ىسكە اسىرۋعا 2024 -جىلى كىرىسۋ جوسپارلانعان»، - دەدى ۇكىمەت باسشىسى.


سوڭعى جاڭالىقتار