اسسامبلەيا جاستارىنا بەرىلەتىن گرانتتاردىڭ سانى ارتۋى مۇمكىن

استانا. قازاقپارات - پرەمەر-ءمينيستردىڭ ورىنباسارى - ەڭبەك جانە حالىقتى الەۋمەتتىك قورعاۋ ءمينيسترى تامارا دۇيسەنوۆا سەنات دەپۋتاتتارىنىڭ ساۋالىنا بەرگەن جاۋابىندا ەتنومادەني بىرلەستىكتەردىڭ جاستارىنا بەرىلەتىن گرانت باعىتتارى كوبەيەتىنىن ايتتى، دەپ حابارلايدى قازاقپارات ءتىلشىسى.
None

«پرەزيدەنتتىڭ تاپسىرماسىن ورىنداۋ اياسىندا اقپارات جانە قوعامدىق دامۋ مينيسترلىگى قازاقستان حالقى اسسامبلەياسى حاتشىلىعىنىڭ ماقۇلداۋىمەن جول كارتاسىن ازىرلەدى. سونىڭ اياسىندا بۇكىل وڭىرگە ەتنومادەني جانە ۇلتارالىق كوممۋنيكاتسيانى دامىتۋعا باعىتتالعان باسقا دا قوعامدىق بىرلەستىكتەرگە بەرىلەتىن مەملەكەتتىك تاپسىرىس پەن گرانت ارقىلى قارجىلاندىرۋ كولەمىن قايتا قاراۋ تاپسىرىلدى. ول تاپسىرىستار مەن گرانت كونكۋرستارىنا بۇكىل رەسپۋبليكالىق، وڭىرلىك جانە جەرگىلىكتى ەتنومادەني بىرلەستىكتەر قاتىسا الادى»، - دەيدى تامارا دۇيسەنوۆا.

ۆيتسە-پرەمەردىڭ ايتۋىنشا، اقپارات جانە قوعامدىق دامۋ مينيسترلىگى جەرگىلىكتى اكىمدىكتەرمەن بىرگە ەتنومادەني بىرلەستىكتەرگە بولىنەتىن ماقساتتى گرانتتاردىڭ تاقىرىپ اياسىن كەڭەيتۋ ماسەلەسىن قاراستىرىپ جاتىر.

«مينيسترلىك ەتنومادەني بىرلەستىكتەردىڭ جاستارىنا بەرىلەتىن «تاۋەلسىزدىك ۇرپاقتارى» گرانتىنىڭ باعىتتارىن كەڭەيتۋ ماسەلەسىن قاراپ جاتىر. وسى جۇمىستاردىڭ اياسىندا ق ح ا ەتنومادەني بىرلەستىكتەرى جاستارىنا ارنالعان گرانتتاردىڭ باعىتتارىن 5 تەن 7 گە دەيىن ۇلعايتۋ (مەملەكەتتىك ءتىلدىڭ تانىمالدىعىن ارتتىرۋ، ۇلتارالىق قارىم-قاتىناستى ۇندەستىرۋ جانە ت. ب.) ۇسىنىلىپ وتىر»، - دەپ جازىلعان جاۋاپتا.

سوڭعى جاڭالىقتار