قوسشىعا گاز قۇبىرىن تارتۋعا قاجەتتى جەر تەلىمدەرى راسىمدەلىپ جاتىر

استانا. قازاقپارات - ەنەرگەتيكا ۆيتسە- ءمينيسترى ەرلان اقكەنجەنوۆ رەداكسيا ساۋالىنا جولداعان جاۋابىندا قوسشى قالاسىنا گاز تارتۋ جۇمىستارى قاي ساتىدا ەكەنىن ءمالىم ەتتى، دەپ حابارلايدى قازاقپارات ءتىلشىسى.
None

«اقمولا وبلىسى اكىمدىگىنىڭ اقپاراتى بويىنشا، شىلدە ايىندا قوسشى قالاسىندا جەتكىزۋشى جانە ورامىشىلىك گاز تاراتۋ جەلىلەرىن جوبالاۋ اياقتالدى. بۇگىنگى تاڭدا جەتكىزۋشى گاز قۇبىرىن سالۋ ءۇشىن جەر ۋچاسكەلەرىن رەسىمدەۋ جۇمىستارى جۇرگىزىلۋدە. ازىرلەنگەن جوباعا سايكەس جوبانىڭ قوسىلۋ نۇكتەسى استانا قالاسىنىڭ گاز قۇبىرى جەلىلەرى بولىپ تابىلادى. تامىز ايىندا جوبانى مەملەكەتتىك ساراپتامانىڭ قورىتىندىسىن الۋ ءۇشىن «مەمساراپتاما» ر م ك- عا جىبەرۋ جوسپارلانۋدا»، - دەلىنگەن جاۋاپتا.

سونداي- اق ەرلان اقكەنجەنوۆ جوباعا قارجى بولگىزۋدىڭ تارتىبىنە توقتالعان.

«وسىعان بايلانىستى مينيسترلىك بيۋدجەتتىك باعدارلامانىڭ اكىمشىسى بولا وتىرىپ، اقمولا وبلىسى اكىمدىگىنەن قوسشى قالاسىن گازداندىرۋدى قارجىلاندىرۋعا بيۋدجەتتىك ءوتىنىم تۇسكەن كەزدە بيۋدجەت زاڭناماسىنا سايكەس قاراۋعا دايىن. رەسپۋبليكالىق بيۋدجەت كوميسسياسىنىڭ وڭ شەشىمى بولعان جاعدايدا جوبانى 2024 -جىلى باستاۋ جوسپارلانىپ وتىر»، - دەپ جازادى ۆيتسە- مينيستر.

سوڭعى جاڭالىقتار