سالىنعان قاراجات قايتارىلمايدى: الماتىدا تاعى ءبىر قارجى پيراميداسى اشكەرە بولدى

ق م ا الماتى قالاسى بويىنشا دەپارتامەنتى Sincere System Group (S- Group) كومپانياسىنىڭ وكىلدەرىنە قاتىستى قارجى پيراميداسىن قۇرىپ، ونى باسقاردى دەگەن كۇدىكپەن سوتالدى تەرگەۋدى باستادى.
ۆەدومستۆو مالىمەتىنشە، كومپانيا قىزمەتى ەرتە كەزەڭدە توقتاتىلىپ، بۇل الدانعان ينۆەستورلار سانىن ازايتۋعا مۇمكىندىك بەرگەن.
«S- Group كومپانياسىنىڭ وكىلدەرى سالىمشىلارعا ايىنا 6 پايىزدان 8 پايىزعا دەيىن نەمەسە جىلىنا 70 پايىزدان استام جوعارى كىرىستىلىككە ۋادە بەردى. دەپوزيتتىڭ ەڭ تومەنگى سوماسى 100 دوللار بولادى.
سونداي-اق، سالىمشىلاردى تارتقان جاعدايدا سومانىڭ 5 پايىزى كولەمىندە كەپىلدەندىرىلگەن كىرىس قاراستىرىلعان»، - دەلىنگەن حابارلامادا.
بۇل رەتتە كليەنتتەرگە اقشانى قابىلداۋ دەرەگىن راستايتىن قۇجاتتار مەن كەلىسىمدەر ۇسىنىلماعان، سالىم سوماسى جەكە كابينەتتە سيفرلىق تۇردە كورسەتىلىپ، سالىنعان قاراجاتتى الۋ مۇمكىندىگى بولماعان.
قازىرگى ۋاقىتتا سوتالدى تەرگەۋ امالدارى جۇرگىزىلىپ جاتىر. كۇدىكتىگە قاتىستى «قاماۋ تۇرىندەگى» بۇلتارتپاۋ شاراسى سانكسيالانعان.
«ەگەر ءسىز جانە ءسىزدىڭ تۋىستارىڭىز S- Group كومپانياسىنىڭ قىزمەتىنەن زارداپ شەكسە، الماتى قالاسى بويىنشا ەكونوميكالىق تەرگەۋ دەپارتامەنتىنە نەمەسە ق م ا call-ورتالىعىنا حابارلاسىڭىز»، - دەلىنگەن ق م ا باسپا ءسوز قىزمەتىندە.