اباي وبلىسىندا ۇشەمدەر وتباسىنا پاتەر بەرىلدى

سەمەي. قازاقپارات - اباي ايماعى جاڭادان قۇرىلعالى بەرى دۇنيەگە كەلگەن العاشقى ۇشەمنىڭ وتباسىنا سەمەي قالاسىنان باسپانا بەرىلدى، دەپ حابارلايدى قازاقپارات وبلىس اكىمدىگىنىڭ باسپا ءسوز قىزمەتىنە سىلتەمە جاساپ.
None

وبلىس اكىمى نۇرلان ۇرانحايەۆ ۇشەمدى قوسقاندا 8 بالالى بولعان جاس وتباسىن قۇتتىقتاپ، 3 بولمەلى پاتەر سىيعا تارتۋ ەتتى.

«بالا - كوڭىلدىڭ گۇلى، كوزدىڭ نۇرى» دەگەن دانا حالقىمىز بالانى بايلىق پەن بەرەكەگە بالاعان. سىزدەر - قاسيەتتى اباي جەرىندە دۇنيە ەسىگىن اشقان تۇڭعىش ۇشەمنىڭ اتا-اناسى اتانعان باقىتتى جانسىزدار. كەلەشەكتە بەگىماي، بەك-مۇحاممەد پەن بەگايىم ۇمىتتەرىڭىزدى اقتاپ، مەرەيلەرىڭىزدى ۇستەم ەتەتىن ۇلتىمىزدىڭ ارداقتى ازاماتتارى بولاتىنىنا سەنىمدىمىن»، - دەدى نۇرلان ۇرانحايەۆ ءوز قۇتتىقتاۋىندا.

photo

ايتا كەتسەك، جاس وتباسى وسى ۋاقىتقا دەيىن جارما اۋدانىنىڭ ورتالىعى قالباتاۋ اۋىلىندا پاتەر جالداپ تۇرعان. ۇشەم دۇنيەگە كەلمەس بۇرىن ازامات جانە ايدا 5 بالاسىن تاربيەلەپ كەلگەن. ولار وبلىس ورتالىعىنان باسپانالى بولعانىنا رياسىز قۋانىشتى ەكەنىن جەتكىزدى.

«قۋانىشىمىزدا شەك جوق. وبلىس اكىمىنە العىس بىلدىرەمىز. وسىدان بىرەر اپتا بۇرىن ءوزىمىزدىڭ ءوتىنىشىمىزدى ايتقان ەدىك. كوپ ۇزاماي مىنە 3 بولمەلى پاتەرگە يە بولىپ وتىرمىز. كىشكەنە بوبەكتەرىمىز ءۇشىن بۇل ۇلكەن قۋانىش. ەلىمىز، وبلىسىمىز دامي بەرسىن. شەكسىز العىس ايتامىز»، - دەدى كوپبالالى وتباسى.

سوڭعى جاڭالىقتار