الماتى وبلىسىندا ساۋدا ورتالىعىندا بالانى تەپكەن شەتەلدىك قاماۋعا الىندى

بۇل تۋرالى وبلىستىق پوليتسيا دەپارتامەنتىنىڭ باسشىسى باۋىرجان الەنوۆ ءمالىم ەتتى، دەپ حابارلايدى قازاقپارات ءتىلشىسى.
«سوتقا دەيىنگى تەرگەپ- تەكسەرۋ جۇرگىزۋ كەزەڭىنە بالانى تەپكەن ەر ادام ەكى اي مەرزىمگە قاماۋعا الىندى»، - دەپ جازدى باۋىرجان الەنوۆ الەۋمەتتىك جەلىدەگى پاراقشاسىندا.
قازىرگى ۋاقىتتا ساراپتاما تاعايىندالىپ، بارلىق قاجەتتى تەرگەۋ ارەكەتتەرى جۇرگىزىلىپ جاتىر.
«ءىس بويىنشا تەرگەۋ بارىسى مەنىڭ قاتاڭ باقىلاۋىمدا. وزگە اقپارات ق ر قىلمىستىق- پروتسەسسۋالدىق كودەكستىڭ 201-بابى نەگىزىندە جاريا ەتۋگە جاتپايدى»، - دەپ اتاپ ءوتتى ۆەدومستۆو باسشىسى.
ەسكە سالايىق، بىرەر كۇن بۇرىن قاراساي اۋدانىنداعى ساۋدا، ويىن- ساۋىق ورتالىقتارىنىڭ بىرىندە ەر ادام 2019 -جىلى تۋعان بەيتانىس بالاعا دەنە جاراقاتىن سالعان بولاتىن.
ك. ەسىمدى ازاماتشانىڭ ارىزى نەگىزىندە دەرەك ق ر قىلمىستىق كودەكسىنىڭ 293-بابى 1-بولىگى (بۇزاقىلىق) بويىنشا اۋداندىق پوليتسيادا تىركەلدى. جەدەل- ىزدەستىرۋ ءىس- شاراسى بارىسىندا ءتارتىپ ساقشىلارى تۇركيا رەسپۋبليكاسىنىڭ 25 جاستاعى ازاماتىن دەرەۋ انىقتاپ، پوليتسياعا جەتكىزدى.
كەشە تۇركيا رەسپۋبليكاسىنىڭ قازاقستانداعى ەلشىلىگى كەلەڭسىز جاعدايعا قاتىستى پىكىر ءبىلدىردى.
«الماتىدا كىشكەنتاي بالاعا قاتىستى بولعان كۇش كورسەتۋ وقيعاسىن وكىنىشپەن ەستىدىك. زورلىق- زومبىلىقتىڭ ەشبىر ءتۇرىن، قالاي جانە كىم جاساعانىنا قاراماستان قابىلدامايتىنىمىزدى جەتكىزە وتىرىپ، كىشكەنتاي بالاقاي مەن ونىڭ وتباسىنا تەز ساۋىعىپ كەتۋىن تىلەيمىز»، - دەپ جازدى تۇركيا ەلشىلىگى الەۋمەتتىك جەلىدە.