پاۆلوداردا سويلەيتىن سۋرەتتەر كورمەسى ءوتىپ جاتىر

پاۆلودار. قازاقپارات - پاۆلوداردا «سويلەيتىن» سۋرەتتەر كورمەسى اشىلدى. قازاقستاندىق سۋرەتشى ءوز تۋىندىلارى ارقىلى قوعامداعى وتكىر ماسەلەلەردى كوتەرگەن، دەپ حابارلايدى قازاقپارات Pavlodarnews.kz سايتىنا سىلتەمە جاساپ.
None

اڭساعان مۇستافا سۋرەتتەرىندە الەۋمەتتىك جەلىلەردىڭ ۇستەمدىگى، كۇندەلىكتى تارتىپسىزدىك، قاۋىپ- قاتەر، وتباسىلىق قارىم- قاتىناس تاقىرىپتارىن بەينەلەگەن. كورمەدە ونىڭ 50 ەڭبەگى تۇر.

«بۇل كورمە قوعامداعى ماسەلەلەر جايلى سويلەيدى. سۋرەتتەردە ءتۇرلى جاعدايلار، ونىڭ ىشىندە قوعامعا قاۋىپ كەلتىرەتىن جاعدايلار بەينەلەنگەن»، - دەيدى پاۆلودار وبلىستىق ونەر مۇراجايى قورىنىڭ باسشىسى ولگا پاشكو.

سۋرەتشى اڭساعان مۇستافانىڭ ايتۋىنشا، بۇل كورمە 15 جىل بويى الەمدى شارلاپ، ونداعان ەلگە قويىلعان.

«كورمە پەرۋ، فرانسيا، كوستا- ريكا، امەريكا، برازيليا، وڭتۇستىك كورەيا ەلدەرىنىڭ حالقىنا ۇسىنىلعان ەدى. مىسالى، برازيليادا دا وسىنداي ماسەلەلەر بولۋى مۇمكىن دەپ ويلاماپپىن. بىزدەگى ماسەلەلەر ولاردا دا بار ەكەن. كورمەدە جۇمىسسىز ازاماتتاردى، قارتتار ۇيىنە تاپسىرىلاتىن اجەلەر مەن اتالاردى كورۋگە بولادى»، - دەدى سۋرەتشى اڭساعان مۇستافا.

ول بولاشاقتا ەكولوگيا جانە اۋىز سۋ تاقىرىبىندا سۋرەتتەر سالۋدى جوسپارلاپ وتىر. كورمە 20-تامىزعا دەيىن جالعاسادى.


سوڭعى جاڭالىقتار