اقتوبەدە ءوز ۇلىن جاۋىزدىقپەن ءولتىردى دەپ ايىپتالعان ەر ادام ەشكىم كۇتپەگەن مالىمدەمە جاسادى

استانا. قازاقپارات - اقتوبەدە ءوز ۇلىن جاۋىزدىقپەن ءولتىردى دەپ ايىپتالعان ارتۋر احۋنوۆ ەشكىم كۇتپەگەن مالىمدەمە جاسادى، - دەپ حابارلايدى ك ت ك تەلەارناسى.
None

25- شىلدەدە وتكەن سوت وتىرىسىندا سوتتالۋشى 4 جاسار بالانى ۇشەمنىڭ سىڭارى بايقاماي ءولتىرىپ الدى دەپ اقتالدى.

«ول قىزىممەن ويناعاندى وتە جاقسى كورەتىن. ولار ويناي باستادى. ونى جىبەرىپ قالعاندا بەتونعا باسپەن ءتۇستى. ارتىنشا ۇلكەن ۇلىم تۇسىنبەي يتەرىپ جىبەردى. سول ساتتە، ول بەتىن ەدەنگە سوقتى»، - دەيدى سوتتالۋشى ارتۋر احۋنوۆ.

تەلەارنا مالىمەتىنشە، ءتورت جاسار ۇلىن ءولتىردى دەپ ايىپتالعان 41 جاستاعى ەر ادام ءار وتىرىستا ءتۇرلى سىلتاۋ ايتىپ، شاتاسىپ جاتىر.

ايتا كەتەيىك، جانتۇرشىگەرلىك قىلمىس بىلتىر جەلتوقساندا بولعان. ءبىراق ايىپتالۋشى ءوز كىناسىن مويىنداماي وتىر. ءتىپتى سوتتا نەلىكتەن جەدەل جاردەم شاقىرماعانىن دا ءتۇسىندىرىپ بەرە المادى. ءبىراق تەرگەۋ كەزىندە ول ۇلىنىڭ ءمايىتىن جالدامالى پاتەردىڭ بالكونىندا ون كۇننەن استام ۋاقىت ۇستاعانى انىقتالعان. كەيىن 4 جاسار دانيلدىڭ دەنەسىن قىتاي سومكەسىنە سالىپ، تاكسيمەن الدىن الا قازىلعان شۇڭقىرعا اپارىپ كومىپ تاستاعان. سوت ساراپتاماسى بالا باسىنان العان اۋىر سوققىدان كوز جۇمعانىن دالەلدەگەن.

«سول جاق ماڭداي بولىگىنىڭ زيگوماتيكالىق ايماعىندا سوققى بولعان. سودان كەيىن وڭ جاقتا جەلكە جاعىناندا سوققىنىڭ ءىزى بار. بۇل تىكەلەي سوققى بولۋى مۇمكىن. سىنىق جاراقاتتارى دا انىقتالدى»، - دەيدى سوت ساراپشىسى ىرىسكەلدى سۇلەيمەنوۆ.

ەسكە سالايىق، 10- شىلدەدە اقتوبەدە 4 جاسار ءدانيلدىڭ ولىمىنە قاتىستى سوت باستالعان بولاتىن. بىلتىر جەلتوقساندا ەرىكتىلەر مەن پوليتسيا جوعالعان 4 جاسار دانيل احۋنوۆتى ىزدەدى. جاقىندارىنىڭ سوزىنشە، بالا اجەسىنىڭ ءۇيىنىڭ اۋلاسىنان جوعالىپ كەتكەن. بالانىڭ سۋرەتى قالانىڭ بارلىق بۇرىشىندا ءىلىندى. ەكى كۇننەن كەيىن ول ءولى تابىلدى. بالانىڭ دەنەسى شۇڭقىرعا كومىلگەن. كەيىنىرەك پوليتسيا كىسى ءولتىردى دەگەن كۇدىكتى ۇستالعانىن حابارلادى.


سوڭعى جاڭالىقتار