زورلىقتىڭ ەشبىر ءتۇرىن قولدامايمىز - تۇركيا ەلشىلىگى ءبۇلدىرشىندى تەبۋ وقيعاسى تۋرالى ءۇن قاتتى

«الماتىدا كىشكەنتاي بالاعا قاتىستى بولعان كۇش كورسەتۋ وقيعاسىن وكىنىشپەن ەستىدىك. زورلىق-زومبىلىقتىڭ ەشبىر ءتۇرىن، قالاي جانە كىم جاساعانىنا قاراماستان قابىلدامايتىنىمىزدى جەتكىزە وتىرىپ، كىشكەنتاي بالاقاي مەن ونىڭ وتباسىنا تەز ساۋىعىپ كەتۋىن تىلەيمىز»، - دەپ جازدى تۇركيا ەلشىلىگى الەۋمەتتىك جەلىدە.
ايتا كەتەيىك، الماتى وبلىسىنىڭ قاراساي اۋدانىنداعى ساۋدا ورتالىعىندا 4 جاسار قىز بالانى ەر ادام تەۋىپ ۇشىرعان. جەدەل-ىزدەستىرۋ ءىس-شاراسى بارىسىندا ءتارتىپ ساقشىلارى 1998-جىلعى تۇركيا رەسپۋبليكاسىنىڭ ازاماتىن انىقتاپ، پوليتسياعا جەتكىزدى. كۇدىكتى جاۋاپ الۋ بارىسىندا وقيعانى بايانداپ، ءوز كىناسىن تولىق مويىندادى.
بالا قۇقىقتارى جونىندەگى ۋاكىل دينارا زاكيەۆا كۇدىكتىنىڭ ۇستالعانىن، «بۇزاقىلىق» بابى بويىنشا ءىس قوزعالعانىن ايتتى. جازاسىن مۇندا وتەگەننەن كەيىن شەتەلدىك ەل اۋماعىنان شىعارىلادى.