08:29, 26 - شىلدە 2023 | GMT +5
ءورتتى ءسوندىرىپ جاتقان ۇشاق اپاتقا ۇشىرادى
افينى. قازاقپارات - «Canadair» كومپانياسىنىڭ ءورت ءسوندىرۋشى ۇشاعى گرەكيانىڭ ەۆبەيا ارالىندا ءورت ءسوندىرۋ كەزىندە كاريستوس قالاسى ماڭىنا قۇلادى، دەپ حابارلايدى قازاقپارات News 24/7 پورتالىنا سىلتەمە جاساپ.

ۇشاقتا ەكى ۇشقىش بولعان. وقيعانىڭ ءمان-جايى انىقتالىپ جاتىر. وقيعا ورنىنا قاراي قۇتقارۋشىلار جاساعى اتتاندى.
ەسكە سالايىق، گرەكيادا ورمان ورتەنىپ جاتىر. 19 مىڭ شەتەلدىك رودوس ارالىنان ەۆاكۋاتسيالانۋدا.