مۇحتار ءابليازوۆتىڭ سىبايلاسى قازاقستانعا ورالدى

الماتى. قازاقپارات - الماتى قالاسىنىڭ اۋەجايىندا قازاقستانعا ءوز ەركىمەن ورالعان مۇحتار ءابليازوۆتىڭ سىبايلاسى ءارى اعاسى قۋانىش نۇرعازين ۇستالدى، دەپ حابارلايدى قازاقپارات باس پروكۋراتۋراعا سىلتەمە جاساپ.
None

«ول ءابليازوۆ باسقاراتىن «BSC» ج ش س- ءنىڭ نومينالدى ديرەكتورى. ءابليازوۆ جانە ونىڭ سىبايلاستارى وسى كومپانيانى زاڭسىز نەسيەلەندىرۋ ارقىلى ب ت ا بانكتەن اسا ءىرى كولەمدە قاراجات جىمقىرعان. نۇرعازين سوتتالۋشى بولا تۇرا، ەشقايدا كەتپەۋ تۋرالى مىندەتتەمەسىن بۇزا وتىرىپ، قىلمىستىق جاۋاپكەرشىلىكتەن جالتارۋ ماقساتىندا سوتتان جاسىرىنعان. 12 جىل بويى ليتۆا اۋماعىندا جاسىرىنىپ، سول جەردە بوسقىن مارتەبەسىن العان»، - دەلىنگەن رەسمي حابارلامادا.

سونداي-اق، قۋانىش نۇرعازيننىڭ قازاقستانعا ءوز ەركىمەن ورالۋعا نيەت بىلدىرگەنى ءمالىم ەتىلدى.

«2023-جىلعى 24- شىلدەدە پاسپورتتىق باقىلاۋدان وتكەننەن كەيىن ول ۇستالىپ، ۋاقىتشا ۇستاۋ يزولياتورىنا قامالدى. سوتتالۋشىنىڭ ءوتىنىشى بويىنشا نۇرعازيننىڭ جاسى مەن دەنساۋلىق جاعدايىن ەسكەرە وتىرىپ، 2023-جىلعى 25- شىلدەدە سوت وعان بۇلتارتپاۋ شاراسىن ءۇي قاماققا الۋ دەپ وزگەرتتى. جاقىن ارادا باستى سوت تالقىلاۋى قايتا باستالادى. ونىڭ جاۋاپكەرشىلىگىنىڭ كولەمىن سوت ايقىندايتىن بولادى»، - دەپ مالىمدەيدى باس پروكۋراتۋرادان.


سوڭعى جاڭالىقتار