قازاقستاندا العاش رەت اۋە شارلارى فەستيۆالى ءوتتى

حالىقارالىق شارلار فەستيۆالىن ۇيىمداستىرۋشىلاردىڭ باستى ماقساتى - قالدىقتاردى بولەك جيناۋ، قايتا وڭدەۋ، ەكولوگيالىق تازا، ياعني قايتا وڭدەۋگە بولاتىن ىدىس-اياقتار مەن باسقا دا ەكوماتەريالداردى پايدالانۋ ارقىلى تابيعاتقا جانە ونىڭ رەسۋرستارىنا قۇرمەتپەن قاراۋدى ناسيحاتتاۋ.
«وبلىستا تۋريزمدى ىلگەرىلەتۋ جانە دامىتۋ وقيعالى تۋريزمگە نەگىزدەلگەن. وسىعان وراي، بۇگىنگى «Konayev international balloon fest» شار فەستيۆالىنىڭ ءىس-شاراسى ءبىزدىڭ وڭىرىمىزدەگى ايتۋلى وقيعا بولماق، بۇل - ءبىزدىڭ قوناقتارىمىز ءۇشىن تابيعاتتىڭ سۇلۋلىعىن تاماشالاۋعا تاماشا مۇمكىندىك. مۇندا ءبىر-بىرىمەن تانىسۋعا، دوستىق قارىم-قاتىناس ورناتۋعا جانە ۇمىتىلماس اسەر الۋعا بولادى. بۇگىن تاڭعى ساعات 5 تەن باستاپ فەستيۆالگە جينالعان كورەرمەندەر وسىنداي سۇلۋلىقتى تاماشالاۋعا شابىتتاندى، ءتىپتى ساعات 7 گە تامان شارلارمەن بيىكتىككە شىعۋعا نيەت بىلدىرگەندەردىڭ ۇزىن كەزەگى پايدا بولدى. دەمەك، وسى ارقىلى ءبىز وقيعالى تۋريزمنىڭ جۇمىس ىستەي باستاعانىن كورسەتەمىز.
بۇل شاراعا 6 اي بويى دايىندالدىق، تالداي كەلە، قازاقستاندا شارلارعا ارنالعان ءىس-شارالار بولماعانىن كوردىك. الەۋمەتتىك جەلى قولدانۋشىلارى «قونايەۆ تۇرعاندا كاپپادوكياعا بارۋدىڭ قاجەتى جوق» دەپ جازىپ جاتىر»، - دەدى الماتى وبلىسىنىڭ اكىمى مارات سۇلتانعازيەۆ.