ستۋدەنتتەر جاتاقحانالارىنداعى ورىن تاپشىلىعى قالاي شەشىلەدى

استانا. قازاقپارات - عىلىم جانە جوعارى ءبىلىم مينيسترلىگى ستۋدەنتتەردى جاتاقحانامەن قامتاماسىز ەتۋ ءۇشىن قانداي جۇمىستار ىستەلىپ جاتقانىن ءمالىم ەتتى، دەپ حابارلايدى قازاقپارات ءتىلشىسى.

«تاپشىلىق شامامەن 70 مىڭ ورىن بولىپ وتىر. ونىڭ 50 پايىزى - الماتى، شىمكەنت جانە استانا قالالارىندا. الماتى قالاسىنا ساپار اياسىندا مينيسترلىك باسشىلىعى جوبالىق وفيسكە بارىپ، ينۆەستورلارمەن جۇمىستى جانداندىرۋدى تاپسىردى. الماتى قالاسىنىڭ تاجىريبەسى استانا مەن شىمكەنت قالالارىنا تاراتىلادى. عىلىم جانە جوعارى ءبىلىم مينيسترلىگى س ق و، اقمولا، اقتوبە، ب ق و، قاراعاندى، تۇركىستان، ماڭعىستاۋ، پاۆلودار، قىزىلوردا، ش ق و، جەتىسۋ وبلىستارىنىڭ، استانا، الماتى جانە شىمكەنت قالالارىنىڭ اكىمدىكتەرىمەن بىرگە 2023-جىلى جاتاقحانالاردى پايدالانۋعا بەرۋ جونىندە جول كارتاسىن قابىلدادى»، - دەپ اتاپ وتەدى مينيسترلىك اگەنتتىكتىڭ رەسمي ساۋالىنا وراي.

ۆەدومستۆو مالىمەتىنشە، بيىل 10949 ورىنعا ارنالعان 37 جاتاقحانانىڭ ءتىزىمى ايقىندالعان. ونىڭ ىشىندە جەكە ينۆەستيتسيا ەسەبىنەن 9231 ورىنعا ارنالعان 30 جاتاقحانا، شاعىن بيزنەس قاراجاتى ەسەبىنەن 1218 ورىنعا ارنالعان 6 جاتاقحانا جانە دەمەۋشىلەردىڭ قاراجاتىنا 500 ورىندىق ءبىر جاتاقحانا سالىنادى. 37 جاتاقحانانىڭ 8837 ورىنعا شاقتالعان 26 سى ج و و ستۋدەنتتەرىنە، ال 2112 ستۋدەنت سىياتىن 11 جاتاقحانا كوللەدجدەرگە بەرىلەدى.

قازىرگى ۋاقىتتا 1500 ورىندىق 4 جاتاقحانا دايىن. سونىمەن قاتار، 496 ورىندىق 3 جاتاقحانا دايىندىعى 90 پايىزدان اسادى. 2395 ورىنعا ارنالعان 8 جاتاقحانانىنىڭ قۇرىلىس جۇمىستارى 80 پايىزدان استامعا، 375 ورىندىق 1 جاتاقحانانىڭ قۇرىلىس جۇمىستارى 70 پايىزدان استامعا ورىندالعان. مۇنان بولەك، 1026 ورىندىق 3 جاتاقحانا دايىندىعى - 60,750 ورىندىق تاعى 3 جاتاقحانانىڭ دايىندىعى 50 پايىزدان اسىپ جىعىلادى. 980 ستۋدەنت سىياتىن 1 جاتاقحانانىڭ قۇرىلىس جۇمىستارى 40 پايىزدان استامعا ورىندالعان. ال، 1316 ورىنعا شاقتالعان 3 جاتاقحانا 20 پايىزدان استامعا عانا دايىن.