قارتتار مەن مۇگەدەكتىگى بار بالالاردى قورلاعان ستۋدەنتتىڭ ءىسىن ارنايى كوميتەت قارايدى

«قۇقىق قورعاۋ ورگاندارى زاڭ اياسىندا قاراپ جاتىر. اتالعان ءىستىڭ ءمان- جايى مەديتسينا ۋنيۆەرسيتەتى جانىنداعى ارنايى كوميتەتتە قارالادى»، - دەدى اجار عينيات ۇكىمەت وتىرىسىنان كەيىن ب ا ق وكىلدەرىنىڭ ساۋالىنا جاۋاپ بەرە تۇرىپ.
ءمينيستردىڭ پىكىرىنشە، ونداي مامانعا ديپلوم بەرىلمەۋى كەرەك.
ەسكە سالا كەتەيىك، بۇعان دەيىن استانالىق مەديتسينا ستۋدەنتىنىڭ پاتسيەنتتەر مەن مۇگەدەكتىگى بار بالالاردى قورلاعانى تۋرالى حابارلاعان ەدىك.
«ءىس بۇگىندە سوڭعى ساتىدا. ناتيجەلەرى بويىنشا قورىتىندى پروتسەسسۋالدىق شەشىم قابىلداناتىن بولادى. سوتقا دەيىنگى تەرگەۋ اياقتالدى. سونىمەن قاتار، كۇدىكتىنىڭ ادۆوكاتى ماتەريالدارمەن ءبىر اي بويى تانىسىپ جاتىر. باس پروكۋراتۋرامەن بايلانىستامىن، ءىس مەنىڭ باقىلاۋىمدا. مەنىڭشە، مۇنداي ءىس- ارەكەتتەر زاڭنىڭ بار قاتاڭدىعىمەن قاراستىرىلۋى كەرەك»، - دەگەن ەدى ق ر بالا قۇقىقتارى جونىندەگى ۋاكىل دينارا زاكيەۆا.