جاپونيادا دارىگەردىڭ ۇيىنەن ەر ادامنىڭ باسى تابىلدى
باس دۇيسەنبى كۇنى 62 جاستاعى دارىگەر وساما تامۋرا مەن ونىڭ 29 جاستاعى قىزى رۋنانىڭ حوككايدو ارالى، ساپپوروداعى ءۇيىن ءتىنتۋ كەزىندە تابىلعان. دارىگەردىڭ 60 جاستاعى ايەلى دە سەيسەنبى كۇنى وسى باپ بويىنشا تۇتقىندالدى، دەپ حابارلادى جەرگىلىكتى پوليتسيا.
پوليتسيا رۋنا تامۋرا، ونىڭ پسيحياتر اكەسى مەن 2- شىلدەدە قوناق ءۇي ءنومىرىنىڭ جۋىناتىن بولمەسىندە جالاڭاش جانە باسى كەسىلگەن كۇيى تابىلعان 62 جاستاعى حيتوشي ۋرا اراسىنداعى قارىم-قاتىناستى تەرگەپ جاتىر. تەرگەۋشىلەر باستى سويۋدى جوسپارلاپ وتىرعانىن مالىمدەدى. بۇعان دەيىن دەنەنى سويۋ كەزىندە ولىمىنە گەممورراگيالىق شوك سەبەپ بولعانى انىقتالعان. پوليتسيا قىز ءبارىن ءوزى ىستەدى دەپ بولجاپ وتىر، سەبەبى سول ءتۇنى قوناق ءۇي نومىرىنە باسقا ەشكىم كىرمەگەن.
ساپپورو اۋرۋحاناسىنىڭ پسيحياترى وساما قىزىن اپارىپ-اكەلىپ تاستاعان دەپ ايىپتالىپ وتىر. ۋرا مەن تاعى ءبىر ادام، بولجام بويىنشا رۋنا، ساپپورو قوناق ۇيىندە 1- شىلدە كۇنى جەرگىلىكتى ۋاقىتپەن 22:50 دە تىركەلگەن. كەلەسى كۇنى تۇنگى 2 دە نومىردەن جالعىز ادام عانا شىققان.
ۋرانىڭ قاسىنداعى ادامنىڭ بويى قىسقا، قوناق ءۇي نومىرىنە كىرگەن كەزدە كەڭ جيەكتى قالپاق پەن اشىق ءتۇستى كيىم كيگەن. تۇنگى 2 دە ادام قارا ءتۇستى كيىممەن شىققان، دەپ حابارلادى تەرگەۋ ورگاندارىنداعى دەرەككوز. قوناق ۇيدەن شىقپاعاننان كەيىن كۇدىكتەنگەن قوناق ءۇي قىزمەتكەرى ۋرانىڭ ءمايىتىن 2- شىلدە كۇنى تەكسەرۋگە بارعاندا انىقتاعان. كامەراداعى كادرلاردان تۇنگى 2 دەن 15.00 گە دەيىن قوناق ءۇي نومىرىنە ەشكىم كىرىپ-شىقپاعانى كورىنىپ تۇر. پوليتسيا ءالى ۋرانىڭ زاتتارىن - كيىمىن، تەلەفونى مەن جەكە كۋالىگىن تابۋى كەرەك.
