18:58, 25 - شىلدە 2023 | GMT +5
اۋىر سالماقتاعى قازاقستاندىق بوكسشى ا ق ش- تا العاشقى جەكپە-جەگىن وتكىزەدى
استانا. قازاقپارات – 26- تامىزدا اسا اۋىر سالماقتاعى قازاقستاندىق بوكسشى جان كوسوبۋتسكي (19-0، 18 ك و) تالسادا (ا ق ش، وكلاحوما شتاتى) جەكپە-جەك وتكىزەدى. بۇل ونىڭ شتاتتارداعى دەبيۋتى، دەپ حابارلايدى قازاقپارات Sports.kz-كە سىلتەمە جاساپ.

ونىڭ كەزدەسۋى ESPN- دەگى Top Rank بوكس كەشىنىڭ نەگىزگى جەكپە- جەگىنىڭ ءبىرى بولماق. بوكسشى نيگەريا وكىلى ەفە ادجاگبويمەن (17-1، 13 ك و) جۇدىرىقتاسادى.
قازاقستاندىق كورەرمەن جەكپە-جەكتى 27- تامىز كۇنى تاڭەرتەڭ تاماشالاي الادى. جەكپە-جەك استانا ۋاقىتىمەن 08:30 دا باستالادى.
مەين- يۆەنتتە اسا اۋىر سالماقتاعى امەريكالىق بوكسشى دجارەد اندەرسون (15-0، 14 ك و) مەن ۋكراينالىق سپورتشى اندرەي رۋدەنكو (35-6، 21 ك و) جۇدىرىقتاسادى. سونىمەن قاتار، شوۋ بارىسىندا وزبەكستاندىق تانىمال اۋىر سالماق شەبەرى باحودير دجالولوۆ (12-0، 12 ك و) ءوزىنىڭ كەزەكتى كاسىبي جەكپە-جەگىن وتكىزەدى. ونىڭ قارسىلاسى - نيگەريالىق ونوريودە ەحۆاريەمە (20-2، 19 ك و).