پرەزيدەنت قورعانىس ءمينيسترى رۋسلان جاقسىلىقوۆتى قابىلدادى

استانا. قازاقپارات - پرەزيدەنت قورعانىس ءمينيسترى رۋسلان جاقسىلىقوۆتى قابىلدادى، دەپ حابارلايدى قازاقپارات اقورداعا سىلتەمە جاساپ.
None
Фото: akorda.kz

رۋسلان جاقسىلىقوۆ قورعانىس ۆەدومستۆوسىنىڭ بيىلعى ءبىرىنشى جارتىجىلدىقتا اتقارعان جۇمىستارىنىڭ قورىتىندىسى جونىندە باياندادى، كەزەڭدىك وزگەرىستەرگە نەگىزدەلگەن جاۋىنگەرلىك دايارلىقتىڭ جاڭا فورماتىن جانە كومانديرلەردىڭ باسقارۋ قابىلەتىن جەتىلدىرۋ مودەلىن ەنگىزۋ جايىندا ايتتى. تەرريتوريالىق قورعانىستى نىعايتۋعا قاتىستى قابىلدانىپ جاتقان شارالار تۋرالى جەتكىزدى.

ءاردايىم جاۋىنگەرلىك دايىندىقتا بولاتىن بولىمدەردى قارۋ-جاراقپەن جانە اسكەري تەحنيكامەن جابدىقتاۋ بارىسى، سونداي-اق وتاندىق ءوندىرىستىڭ ءموبيلدى جانە مودۋلدىك كومپونەنتتەرگە كوشىرىلۋى تۋرالى مالىمەت بەردى؛

قارۋلى كۇشتەردىڭ بىتىمگەرلىك قىزمەتى تۋرالى ارنايى باياندادى؛ اسكەرگە شاقىرىلاتىن جانە مەرزىمدى قىزمەتىن وتەگەن ازاماتتار تۋرالى مالىمەتتەردى سيفرلىق جۇيەگە كوشىرۋ شارالارى جونىندە ايتتى. اسكەرگە شاقىرىلاتىن ازاماتتارعا كرەديتتىك دەمالىس بەرۋ، سونداي-اق ءبىلىم الۋعا جەڭىلدىكتەر جاساۋ ءۇشىن قابىلدانىپ جاتقان شارالار تۋرالى جەتكىزدى (بۇگىندە 2,5 مىڭ ساربازدىڭ نەسيەسى كەيىنگە شەگەرىلدى جانە اسكەري قىزمەتىن وتەگەن 1,5 مىڭ جاۋىنگەرگە جوعارى وقۋ ورىندارىندا وقۋعا ورىن ءبولىندى).

جىل باسىنان بەرى مەرزىمدى اسكەري قىزمەتىن وتەپ، زاپاسقا شىعارىلعان 700 گە جۋىق سارباز جۇرگىزۋشى، مەحانيك، ماشينيست، سلەسار، اسپاز جانە باسقا دا ەڭبەك نارىعىندا سۇرانىسقا يە ماماندىقتار بويىنشا ءبىلىم الدى.

پرەزيدەنت اتالعان باستامالاردى، اتاپ ايتقاندا جوعارى ءبىلىم جانە عىلىم مينيسترلىگىمەن بىرلەسىپ، ءبىلىم الۋعا جەڭىلدىك بەرەتىن كۆوتالار ءبولۋ، مەرزىمدى اسكەري قىزمەتىن وتەگەندەرگە مەملەكەتتىك ءبىلىم گرانتتارىن ۇسىنۋ، سونداي-اق ولاردىڭ زاڭنامالىق تۇرعىدا بەكىتىلۋىن جالعاستىرۋ ماسەلەسىن نازارعا الدى.

قاسىم-جومارت توقايەۆ قارۋلى كۇشتەردىڭ جاۋىنگەرلىك دايىندىعىن كۇشەيتۋ ماسەلەسىنە باسا ءمان بەرە وتىرىپ، ءبىرقاتار تاپسىرما بەردى.

سوڭعى جاڭالىقتار