اجار عينيات قازاقستانعا قىزىلشا قايدان كەلگەنىن ايتتى

استانا. قازاقپارات - ەلىمىزدە كوبىنە ەكپە الماعان بالالار قىزىلشا جۇقتىرىپ جاتىر. بۇل تۋرالى دەنساۋلىق ساقتاۋ ءمينيسترى اجار عينيات ءمالىم ەتتى، دەپ حابارلايدى قازاقپارات ءتىلشىسى.
None
Фото: primeminister.kz

«قىزىلشانىڭ تاراۋى كوپ ەلدە بايقالىپ وتىر، ونىڭ ىشىندە قازاقستان دا بار. جىل باسىنان 2 مىڭعا جۋىق بالا قىزىلشا جۇقتىرعان. ولاردىڭ كوبى ەكپە الماعان بالالار، سونىمەن قاتار سىرتتان الىپ كەلدى. بالالار الىس-جاقىن شەت مەملەكەتتەرگە دەمالىسقا بارادى. ىندەتتى ۋشىقتىرماۋ ماقساتىندا قىزىلشاعا قارسى ەكپە الماعان بالالاردىڭ اتا- انالارىمەن پروفيلاكتيكالىق، ءتۇسىندىرۋ جۇمىستارى ءجۇرىپ جاتىر»، - دەدى اجار عينيات ۇكىمەت وتىرىسىنان كەيىن ب ا ق وكىلدەرىنىڭ ساۋالىنا جاۋاپ بەرە تۇرىپ.

سونداي-اق مينيستر قىزىلشانىڭ قانداي ەلدەردەن كەلگەنىن ايتتى.

«جىل باسىندا قىزىلشا جۇقتىرۋ تۇركيا مەن رەسەيدەن كەلگەندەردەن تىركەلدى. كەيىن ونىڭ تاراۋى ارتا باستادى. وڭىرلەر بويىنشا استانادا جوعارى»، - دەدى ۆەدومستۆو باسشىسى.

ايتا كەتسەك، كەشە ەلورداعا بىرنەشە ەلدەن كەلگەن ازاماتتاردان قىزىلشا انىقتالعانى تۋرالى حابارلاعان ەدىك.

سوڭعى جاڭالىقتار