ەلىمىزدە «الماتى اپورتى» اتاۋىمەن ءيىسسۋ جاساپ شىعارىلدى

پارفيۋمەردىڭ «الماتى راۋشانى»، «جۋسان» دەپ اتالاتىن كوللەكسياسى دا بار. جاس عالىم ەل ارالاپ، ءار ءوڭىردىڭ وزىندىك تابيعاتىنا سايكەس كەلەتىن پارفيۋم شىعارسام - دەيدى.
پارفيۋمەر بولۋدى گۇلجان بالا كەزىنەن ارمانداعان. ءبىزدىڭ ەلدە مۇنداي ماماندىقتى دايىندامايدى. سوندىقتان مەكتەپ بىتىرگەن سوڭ، بويجەتكەن ءيىسسۋدىڭ وتانى فرانتسياعا اتتانادى. سول جاقتاعى پارفيۋمەريالىق ينستيتۋتقا ءتۇسىپ ءبىلىم الىپ شىعادى. قازىر بىرنەشە ءيىسسۋ توپتاماسىنىڭ اۆتورى. زەرتحانالىق جۇمىستارىن ساتبايەۆ ۋنيۆەرسيتەتىندە جاسايدى. «الماتى اپورتى» ءيىسسۋىنا فرانسيالىق مامانداردىڭ وزدەرى جوعارى باعا بەرگەن.
گۇلجان تۇزەلبايەۆا، پارفيۋمەر - ماعان پارفيۋمنىڭ حوش ءيىسى بۇرىننان ۇنايدى. ەسىمىمدى دە گۇلجان دەپ تەگىن قويماعان شىعار. يىسىنەن- اق كەز- كەلگەن گۇلدى اجىراتىپ ايتىپ بەرە الام. الماتى اپورتىمەن، جايقالعان گۇلىمەن تانىمال. سونى برەندكە اينالدىرعىم كەلەدى. ارينە جۇمىس وڭاي ەمەس. شيكىزاتتىڭ ءبىرازىن فرانسيادان الدىرامىز. كونسەنتراتتىڭ ءبىر بولىگى وسىندا جاسالادى. ءيىسسۋدىڭ الدىمەن فورمۋلاسى جاسالادى. ياعني قۇرامىن، مولشەرىن انىقتاپ الادى. ءبىر تامشى ارتىق نە كەم بولسا ءيىسسۋ مۇلدەم وزگەرىپ كەتەدى. سوندىقتان، وتە ۇقىپتىلىق كەرەك.
قازىر ونىڭ زەرتحاناسىندا 20-عا جۋىق ينگرەديەنت بار. اسىرەسە، الما، بالقاراعاي، راۋشان، ۆانيل، اپەلسين يىسىنە نەگىزدەلگەن كونسەنتراتى ەرەكشە. پارفيۋمەرلىككە بەت بۇرىپ جۇرگەن يسيرا شايزاتتىڭ ايتۋىنشا الماتىنىڭ راۋشانىنا جەتەر گۇل جوق. ءبىراق ءبىر كەلى ەسسەنسياسى ءۇشىن 770 مىڭ كەلى گۇل جاپىراعى قاجەت.
يسيرا- باتۋل، شايزات زەرتحاناشى:
- بۇل ينگرەديەنتتەر، راۋشان يگرەديەنتى فرانسياداعى ەڭ قىمات ينگرەديەنت ءبىرى بولىپ تابىلادى. ءدال وسى راۋشان گۇلدەرى الماتىلىق روزالاردىڭ ءبىرى. ول الماتى وبلىسىندا وسەدى. ديستيللياتسيالىق اپپارات ارقىلى مايىن شىعارىپ وسى گۇلدەردىڭ تەك بۋتوندارىن ىسكە اسىرامىز. وسى مايدى ءبىز ءوزىمىزدىڭ پارفيۋمگە قولدانامىز.
قازىردىڭ وزىندە گۇلجان 60-قا جۋىق پارفيۋم جاساپ شىعاردى. ونىڭ اراسىندا حوش ءيىستى بالاۋىز بەن ۇيگە ارنالعان جۇپار دا بار. الداعى ۋاقىتتا ول زاۋىت اشىپ، ايىنا 10000 دانا پارفيۋم ءونىمىن شىعارۋدى جوسپارلاپ وتىر.