استانادا اسىق الاڭدارى اشىلدى - فوتو
ماقسات - ۇلتتىق قۇندىلىقتاردى جان-جاقتى دارىپتەپ، قازاق حالقىنىڭ اسىل مۇراسى - اسىق ويىندارىن جاڭعىرتۋ. وسكەلەڭ ۇرپاقتى ۇلتتىق ويىندارعا باۋلۋ ارقىلى ولاردىڭ ساناسىنا رۋحتى، وتانشىلدىق سەزىمدى ءسىڭىرۋ.
اسىق الاڭدارى الماتى اۋدانىنداعى «ستۋدەنتتىك ساياباقتا» جانە ەسىل اۋدانىندا ورنالاسقان «ەكسپو» اۋماعىنداعى «تاۋەلسىزدىكتىڭ 25 جىلدىعى مونۋمەنتى» الاڭىندا بولادى. سونداي-اق، الداعى ۋاقىتتا ءدال وسىنداي الاڭداردى باسقا اۋدانداردا جانە ەلىمىزدىڭ وزگە دە وڭىرلەرىندە اشۋ جوسپارلانىپ وتىر.
بۇل الاڭداردىڭ ەرەكشەلىگى - اسىق تاريحى جانە ويىن تۇرلەرى مەن ەرەجەلەرى تۋرالى ماعلۇماتتى ارنايى ەنگىزىلگەن QR-كود ارقىلى بىلۋگە بولادى.
الاڭداردىڭ اشىلۋ سالتاناتىنا ءماجىلىس دەپۋتاتى ايداربەك قوجانازاروۆ، «اسىق ويىنى» فەدەراتسياسىنىڭ جەتەكشىلەرى مەن وكىلدەرى، قالا تۇرعىندارى قاتىستى. ءىس-شارا بارىسىندا اسىق ويناتىلىپ، ۇزدىكتەرگە اسىقتار سىيعا تارتىلدى.
اسىق - مال شارۋاشىلىعىمەن اينالىسقان اتا-بابامىزدىڭ قولدانىسىندا كەلە جاتقان كونە ويىن ءتۇرى. ول بالانىڭ وي-قابىلەتىن شىڭداپ، دالدىككە، ەپتىلىككە، شيراقتىلىققا، ۇستامدىلىققا، العىرلىققا تاربيەلەيدى.
