شەتتەگى قازاق دياسپوراسى بالالارى اراسىندا انا ءتىلى بويىنشا حالىقارالىق وليمپيادا وتۋدە
قازاق ءتىلى مەن ادەبيەتى ءپانى بويىنشا وتەتىن 5 كۇندىك حالىقارالىق وليمپياداعا موڭعوليا، يران، وزبەكستان، قىرعىز رەسپۋبليكاسى، بەلارۋس، رەسەي فەدەراتسياسىنان 80 گە جۋىق وقۋشى كەلدى.
«ەرەجەگە سايكەس قاتىسۋشى ەلدەردىڭ ءار كومانداسى 14-17 جاس ارالىعىنداعى 8 وقۋشى، 2 جەتەكشىدەن تۇرادى. وليمپيادا ەسسە، «تاريحي تانىم» زەرتتەۋ جۇمىستارىن قورعاۋ، ءۇي تاپسىرماسى بويىنشا شىعارماشىلىق تانىستىرىلىم سەكىلدى 3 تۋردان وتەدى»، - دەيدى «دارىن» رەسپۋبليكالىق عىلىمي-پراكتيكالىق ورتالىعىنىڭ ديرەكتورى عاجدەمبەك تۇرسىنوۆ.
قازاق دياسپوراسىنىڭ دارىندى بالالارىن انىقتاپ، ولاردى تىلگە، ادەبيەتكە، تاريحقا ىنتالاندىرۋدى كوزدەيتىن ءبىلىم سايىسىنىڭ جەڭىمپازدارى مەن جۇلدەگەرلەرى ق ر وقۋ-اعارتۋ مينيسترلىگىنىڭ I ،II جانە III دارەجەلى ديپلومدارىمەن، سونداي-اق التىن، كۇمىس جانە قولا مەدالدارىمەن ماراپاتتالادى.
ج و و-نا 15 ءبىلىم گرانتى جانە 10 قاتىسۋشىعا جازعى وقۋ-تانىمدىق اۋىسىمعا جولداما بەرىلەدى.
