21:28, 23 - ماۋسىم 2023 | GMT +6
شىلدەدە قاي وڭىرلەردە قۇرعاقشىلىق بولاتىنى انىقتالدى
استانا. قازاقپارات - بيىل شىلدەدە قاي وڭىرلەردە قۇرعاقشىلىق بولاتىنى ايتىلدى، - دەپ حابارلايدى Massaget.kz ءتىلشىسى «قازگيدرومەتكە» سىلتەمە جاساپ.
الدىن الا ۇسىنىلاتىن بولجامعا سايكەس، شىلدەدە قازاقستاننىڭ باسىم ايماعىندا ىلعالدانۋ جاعدايى كوبىنەسە نورماعا جۋىق كۇتىلەدى، سونىمەن بىرگە ىلعال تاپشىلىعى بار ايماقتاردىڭ اۋدانى ۇلعايادى.
ءبىرقالىپتى قۇرعاقشىلىق:
اقمولا وبلىسىنىڭ جارقايىڭ اۋدانىندا،
قوستاناي وبلىسىنىڭ امانگەلدى اۋدانىندا،
اقتوبە وبلىسىنىڭ ايتەكەبي، ىرعىز جانە حرومتاۋ اۋداندارىندا،
ۇلىتاۋ وبلىسىنىڭ ۇلىتاۋ اۋدانىندا،
اتىراۋ وبلىسىنىڭ قىزىلقوعا اۋدانىندا،
قىزىلوردا وبلىسىنىڭ شيەلى اۋدانىندا بولادى.
قاتتى قۇرعاقشىلىق قىزىلوردا وبلىسىنىڭ قارماقشى اۋدانىندا جانە قوستاناي وبلىسىنىڭ جانگەلدى اۋدانىندا بولۋى مۇمكىن.
