20:40, 23 - ماۋسىم 2023 | GMT +6
الماتىدا بەيتانىس ادامنىڭ سوققىسىنان كەيىن قوزعالا الماي قالعان قىزدىڭ جاعدايى بەلگىلى بولدى
الماتى. قازاقپارات - الماتى قالالىق دەنساۋلىق ساقتاۋ باسقارماسىنىڭ باسپا ءسوز قىزمەتى ەر ادام ۇرعاننان كەيىن قوزعالا الماي قالعان قىزدىڭ جاعدايىن ايتتى، دەپ حابارلايدى قازاقپارات ءتىلشىسى.
ۆەدومستۆونىڭ مالىمەتىنشە، ناۋقاس قالالىق جەدەل جاردەم اۋرۋحاناسىنا جەتكىزىلگەن.
دارىگەرلەر تولىق تەكسەرگەنەن كەيىن ول اۋرۋحاناعا جاتقىزىلدى. ەسىن بىلەدى.
«وعان جابىق باس سۇيەك-مي جاراقاتى، مي شايقالۋى دياگنوزى قويىلدى. جاعدايى ورتاشا اۋىر. ناۋقاس نەيروحيرۋرگيا بولىمشەسىنە جاتقىزىلدى. ول بۇكىل قاجەتتى مەديتسينالىق كومەكتى تولىق كولەمدە الىپ جاتىر»، - دەپ ءتۇسىندىردى ۆەدومستۆودان.
بۇعان دەيىن الماتىدا 25 جاستاعى قىزدى بەتىنەن ۇرعان ەر ادامنىڭ ۇستالعانىن جازعان بولاتىنبىز.
