بانك قىزمەتكەرلەرىن كەپىلگە الۋ: نەلىكتەن مارات احمەتجانوۆ ارناۋلى وپەراتسيانى ءوزى باسقاردى

None
استانا. قازاقپارات - ەلورداداعى Kaspi بانك بولىمشەسى قىزمەتكەرلەرىنىڭ كەپىلگە الىنعان جايلى اقپارات تاراعان كۇنى ىشكى ىستەر ءمينيسترى مارات احمەتجانوۆ وقيعا ورنىنا ءوزى باردى.

ەل تۇرعىندارى ءى ءى م باسشىسىنىڭ فورماسى بولعانىن، دەمالىس كۇنى بولعانىنا قاراماستان وپەراتسياعا باسشىلىق جاساپ، وتە كاسىبي تۇرعىدا ءوزىن كورسەتە بىلگەندىگىن اتاپ وتۋدە. دەگەنمەن سىن دا بار. ءمينيستردىڭ ءوزى ارالاساتىنداي جاعداي وتە كۇردەلى بولدى ما؟ الدە ەلوردادا تاجىريبەلى كەلىسسوزشى جەتىسپەي مە؟ بۇل ساۋالدارعا قازاقپارات تىلشىسىنە ەكسكليۋزيۆ سۇحبات بەرگەن ىشكى ىستەر ءمينيسترىنىڭ ءبىرىنشى ورىنباسارى مارات قوجايەۆ جاۋاپ بەردى، دەپ حابارلايدى قازاقپارات ءتىلشىسى.

«ارينە جوق، كەلىسسوزشى مامان جەتكىلىكتى. بىزدە ارناۋلى دايىندىقتان وتكەن كەلىسسوزشىلەر بار. ولار ۇلتتىق قاۋىپسىزدىك كوميتەتى اكادەمياسىنىڭ انتيتەررورلىق ورتالىعىندا وقۋدان وتەدى. سول كۇنى دە ءبىزدىڭ ارناۋلى بولىمشەنىڭ وسىنداي مامانى قاتىستى. وكىنىشكە وراي، ونىڭ تەگىن، اتىن، اكەسىنىڭ اتىن ايتا المايمىن. ول وقيعا ورنىنا ىشكى ىستەر ءمينيسترى كەلگەننەن كەيىن ىشكە بىرنەشە رەت كىرىپ، كەلىسسوز جۇرگىزدى. مينيسترگە قاسكويدىڭ تالابىن بايانداپ، ونىڭ ءىس- ارەكەتىن، قولىندا نە بار ەكەندىگىن ايتتى»، - دەدى مارات قوجايەۆ.

ونىڭ اتاپ وتۋىنشە، مينيستر وقيعا دەمالىس كۇنى، تۇسكى ۋاقىتتا ورىن العانىن ەسكەرىپ، سول جەرگە ءوزى دە بارۋ كەرەك دەپ ساناعان. ول وقيعا ورنىنا كەلىپ، وپەراتسياعا ءوزى باسشىلىق جاساپ، كۇش قولدانۋعا نەمەسە كەلىسسوزدى جالعاستىرۋعا قاتىستى شەشىم قابىلداعان. وپەراتسيا بارىسىندا ءىىم باسشىسى باسقىنشىمەن تىكەلەي سويلەسىپ، تۇتقىنعا الىنعان بانك قىزمەتكەرلەرىن بوساتۋعا تىرىسقان.

«ءمينيستردىڭ ول جەرگە ءوزى بارۋى جانە اتالعان وپەراتسياعا باسشىلىق جاساۋعا قاتىسۋى فاكتىسىن بىلاي باعالار ەدىم. كەز كەلگەن پوليتسيا شەنىنە، لاۋازىمىنا، جاعدايىنا قاراماستان، دەمالىس نە جۇمىس كۇنى بولسا دا قىلمىس جاسالسا ءارى ول ازاماتتاردىڭ ءومىرى مەن دەنساۋلىعىنا ءقاۋىپ توندىرسە، وندا ونىڭ جولىن كەسۋى ءتيىس. مەنىڭشە، مينيستر ءدال سولاي ويلاپ، وقيعا ورنىنا باردى»، - دەدى مارات قوجايەۆ.

ول قىلمىسكەردى قولعا ءتۇسىرۋ ءۇشىن كۇش قولدانۋ تۋرالى شەشىمدى ءمينيسترى جەكە ءوزى قابىلداعانىن اتاپ وتەدى.

«ارينە، ەڭ الدىمەن جارىلىستان قورىقتىق. ويتكەنى، قىلمىسكەر جارىلعىش زات بار ەكەندىگىن جانە ءوز ءومىرىن دە، تۇتقىنداردىڭ دا ءومىرىن قيۋعا دايىن ەكەندىگىن بىردەن ايتتى. قىسقا عانا ۋاقىتتىڭ ىشىندە ەگجەي- تەگجەيلى اقپارات جيناپ، قاۋىپتىڭ تومەندىگىن، ونى باسقاشا ىمىراعا كەلتىرۋ جولىنىڭ جوقتىعىن، مۇنان ارى كۇتۋ جاعدايدى كۇردەلەندىرە تۇسەتىندىگىن تۇسىنگەننەن كەيىن كۇش قولدانۋ تۋرالى شەشىم قابىلداندى. ويتكەنى، تۇتقىنداردىڭ قاسكويدىڭ قولىندا بولعان ءاربىر مينۋتى وتە اۋىر ەدى. كورىنەتىن جەردە تۇرعان قىزداردىڭ كوزدەرىنەن ولاردىڭ قاتتى ۇرەيلى ەكەندىگىن كوردىك. سوندىقتان دا مينيستر باياندامالاردىڭ، ساراپتامالاردىڭ نەگىزىندە كۇش قولدانۋ تۋرالى شەشىم قابىلدادى»، - دەدى ءمينيستردىڭ ءبىرىنشى ورىنباسارى.

ونىڭ اتاپ وتۋىنشە، وسىدان كەيىن ءى ءى م باسشىسى كۇش قولدانۋعا بۇيرىق بەردى. ال قىلمىسكەر مۇلدەم كۇتپەگەن ەدى. ساناۋلى سەكۋندتىڭ، 10-15 سەكۋندتىڭ ىشىندە بۇكىل وپەراتسيا ءساتتى اياقتالدى.

سوڭعى جاڭالىقتار