15:11, 23 - ماۋسىم 2023 | GMT +6
الماتىدا تاعى ءبىر كوشەدە كولىك قوزعالىسى شەكتەلەدى
الماتى. قازاقپارات- الماتى قالاسىندا چەرەپانوۆ كوشەسى بويىنشا جول ءجۇرۋ قوزعالىسى ۋاقىتشا شەكتەلەدى، دەپ حابارلايدى قازاقپارات ءتىلشىسى.
«26-30-ماۋسىم ارالىعىندا الماتى قالاسىنىڭ اۋەزوۆ اۋدانىندا چەرەپانوۆ كوشەسىنىڭ بويى سۇلەيمەنوۆ كوشەسىنەن پريشۆين كوشەسىنە دەيىن ەكى باعىتتا دا كولىك قوزعالىسى شەكتەلەدى» ، - دەپ حابارلادى «الماتى جىلۋ جەلىلەرى» ج ش س- نەن.
ۋاقىتشا شەكتەۋلەر مۇنداعى كولىك جۇرەتىن جولدىڭ استىنان وتەتىن ماگيسترالدى قۇبىردى جوسپارلى جوندەۋگە بايلانىستى ەنگىزىلىپ وتىر.
كومپانيا كەلتىرىلگەن قولايسىزدىق ءۇشىن الماتىلىقتاردان كەشىرىم سۇرايدى.
سونىمەن قاتار، جۇرگىزۋشىلەرگە جول ءجۇرۋ باعىتىن الدىن الا جوسپارلاۋعا كەڭەس بەرەدى.
