قازپوشتا نەگە قازاق تىلىندە حابارلاما جىبەرمەيتىنىن ءتۇسىندىردى

استانا. قازاقپارات - الەۋمەتتىك جەلىدە قازاقستاندىقتار «قازپوشتا» ا ق ءوز تۇتىنۋشىلارىنا تەك ورىس تىلىندە حابارلاما جىبەرەتىنىنە نارازى بولدى، - دەپ حابارلايدى Tengrinews.kz.

«قازپوشتا» ا ق مالىمەتىنشە، قازىر حابارلامالاردىڭ بارلىق تۇرلەرىن قازاق تىلىنە باپتاۋ جانە اۋدارۋ جۇمىستارىمەن اينالىسىپ جاتىر. كومپانيا حابارلاما ماتىندەرىنىڭ 70 ءتۇرىن جانە push-حابارلاما ماتىندەرىنىڭ 16 ءتۇرىن قامتيتىن 56 قىزمەت ءتۇرىن كورسەتەتىنىن ەسكەرە وتىرىپ، بۇل جۇمىس بارىسى ءبىر اي ىشىندە اياقتالادى.

«تۇتىنۋشىلاردان كەشىرىم سۇرايمىز جانە حابارلامالاردى قازاق تىلىندە جىبەرۋ ءۇشىن بارلىق قاجەتتى شارالاردى قولدانىپ جاتقانىمىزعا سەندىرگىمىز كەلەدى. كورپوراتيۆتىك ۆەب-سايت پەن الەۋمەتتىك جەلىلەردەگى رەسمي پاراقشالار مەملەكەتتىك تىلدە جۇرگىزىلەتىنىن مالىمدەيمىز. پوشتا بولىمشەلەرىندە تۇتىنۋشى قىزمەتتى وزىنە ىڭعايلى تىلدە تاڭداي الادى»، - دەپ حابارلادى «قازپوشتا» ا ق قىزمەتكەرلەرى.