قازاقستانداعى حالقى ەڭ جاس وڭىرلەر بەلگىلى بولدى

None
استانا. قازاقپارات - قازاقستاندا 2022 -جىلى قارتايۋ يندەكسى 28,2 قۇرادى، وسىلايشا كورسەتكىش ءبىر جىل ىشىندە 1,6 پايىزدىق تارماققا ءوستى (26,6 - 2021 ج.).

بۇل دەگەنىمىز 0 مەن 15 جاس ارالىعىنداعى ءاربىر 100 بالاعا 65 جاستان اسقان 28,2 قاريادان كەلەدى.

بۇل تۋرالى قازاقپارات ۇلتتىق ستاتيستيكا بيۋروسىنىڭ مالىمەتتەرىنە سىلتەمە جاساپ حابارلايدى.

وڭىرلەر بولىنىسىندە ەڭ جوعارى يندەكس ش ق و-دا - 56,9، ودان كەيىن سولتۇستىك قازاقستان - 56,3 جانە قوستاناي وبلىستارى - 48,9 تۇر.

بۇل رەتتە، حالقى ەڭ جاس ءوڭىر - ماڭعىستاۋ وبلىسى، سوڭعى 10 جىلدان بەرى وندا تۋۋ كورسەتكىشىنىڭ ەڭ جوعارى كوەففيسيەنتى تىركەلىپ وتىر. وندا 100 بالاعا 65 جاستان اسقان 10,8 قارتتان كەلەدى. سونداي-اق قارتايۋدىڭ تومەن يندەكسى تۇركىستان وبلىسىندا - 11,3 جانە شىمكەنت قالاسىندا - 11,7.

قالالىق جەرلەردە قارتايۋ يندەكسى اۋىلدى جەرگە قاراعاندا جوعارى، سايكەسىنشە 30,7 جانە 24,5.


سوڭعى جاڭالىقتار