ا ق ش- تا زەرتحانادا قولدان جاسالعان ەت ساتىلىمعا شىعادى

None
استانا. قازاقپارات - امەريكالىق ەكى كومپانيا زەرتحانا جاعدايىندا ەت وندىرۋگە مۇمكىندىك الدى، دەپ حابارلايدى قازاقپارات Deutsche Welle اگەنتتىگىنە سىلتەمە جاساپ.

«سارسەنبى كۇنى ا ق ش اۋىلشارۋاشىلىق مينيسترلىگى Upside Foods جانە Good Meat فيرمالارىنا كۋلتيۆاتسيالانعان ەتتى وندىرۋگە رۇقسات بەردى» دەپ حابارلادى قوس كومپانيانىڭ باسپا ءسوز قىزمەتى.

ا ق ش زەرتحانالىق ەت ساتۋعا رۇقسات بەرىلگەن سينگاپۋردەن كەيىنگى ەكىنشى ەل اتاندى.

Upside Foods باسشىلىعى بۇل وقيعانى «ورىندالعان ارمان» جانە «جاڭا ءداۋىردىڭ باستالۋى» دەپ اتادى.

ەكى كومپانيا دا تاۋىق ەتىن كۋلتيۆاتسيالاۋمەن اينالىسادى. ول بولات كونتەينەردە ءوسىپ، ازىقتانعان جانۋار جاسۋشاسىنىڭ ۇلگىسىنەن وندىرىلەدى.

Upside Foods تا، Good Meat تە اۋەلدە زەرتحانا ەتىن قىمبات مەيرامحانالارعا جەتكىزىپ وتىرۋعا نيەتتى.

ءوندىرىس كولەمى ارتقاننان كەيىن مۇنداي ەتتى ازىق-تۇلىك دۇكەندەرىنە جەتكىزۋ دە جوسپارلانعان.

سوڭعى جاڭالىقتار