16:12, 22 - ماۋسىم 2023 | GMT +5
ءاليحان سمايىلوۆ باكۋدە گەيدار اليەۆتىڭ بەيىتىنە گۇل شوقتارىن قويدى
استانا. قازاقپارات – ق ر پرەمەر-ءمينيسترى ءاليحان سمايىلوۆ باكۋ قالاسىندا ازەربايجان حالقىنىڭ جالپىۇلتتىق كوشباسشىسى گەيدار اليەۆتىڭ بەيىتىنە گۇل شوقتارىن قويدى، دەپ حابارلايدى قازاقپارات ۇكىمەتتىڭ رەسمي سايتىنا سىلتەمە جاساپ.
ەسكە سالا كەتەيىك، ۇكىمەت باسشىسى رەسمي ساپارمەن باكۋ قالاسىندا ءجۇر.
سونداي-اق ءاليحان سمايىلوۆ گەيدار اليەۆتىڭ زايىبى زاريفا اليەۆانىڭ بەيىتىنە دە گۇل شوقتارىن قويدى.
قۇرمەتتى ادامدار جەرلەنگەن اللەيا باكۋ قالاسىنىڭ تاۋلى بولىگىندە ورنالاسقان. مۇندا ازەربايجان ەلىنىڭ كوپتەگەن كورنەكتى عىلىم جانە مادەنيەت قايراتكەرى، ساياساتكەرلەرى، قوعام قايراتكەرلەرى جەرلەنگەن.
وسىعان دەيىن قازاقستان مەن ازەربايجان ءوزارا ساۋدا كولەمىن $1 ميللياردقا دەيىن جەتكىزۋدى جوسپارلاپ وتىرعانىن جازدىق.
