ەلىمىزدە تەمىرجولمەن جۇك تاسىمالداۋ كولەمى ارتىپ كەلەدى
بۇل تۋرالى «سامۇرىق-قازىنا» قورىنىڭ ەكونوميكا جانە قارجى جونىندەگى ديرەكتورى نازيرا نۇربايەۆا ءمالىم ەتتى، دەپ حابارلايدى قازاقپارات ءتىلشىسى.
«قازاقستان تەمىر جولى» كومپانياسىنىڭ وتكەن جىلعى جۇك اينالىمىنا قاتىستى كورسەتكىشى 245 ميلليون توننا شاقىرىم بولدى. بۇل - 2021-جىلعى كورسەتكىشتەن 5 پايىزعا كوپ. ونىڭ ىشىندە ەكسپورت 10,3 پايىزعا ارتتى. ترانزيتتىك جۇك كولەمى 14 پايىزعا ۇلعايدى»، - دەدى ول قوردا وتكەن باسپا ءسوز ءماسليحاتىندا.
ونىڭ اتاپ وتۋىنشە، Air Astana مەن Qazaq Air اۋە كومپانيالارىنىڭ جولاۋشىلار تاسىمالداۋداعى جيىنتىق كولەمى - 7,9 ميلليون جولاۋشى. ول - 2021-جىلعى كورسەتكىشتەن 10 پايىزعا جوعارى.
«قازپوشتا» پاندەميادان كەيىنگى قايتادان قالپىنا كەلۋ ساتىسىندا تۇر. قىتاي نارىعى بيىل عانا اشىلدى جانە پوشتا قىزمەتتەرى كولەمىنىڭ ايتارلىقتاي، شامامەن 9 پايىزعا تومەندەۋى بايقالادى. حالىقارالىق جونەلتىلىمدەر، حالىقارالىق سالەمدەمەلەر ءتاريفىن ارتتىرۋ جۇمىسى جۇرگىزىلگەندىگىن اتاپ وتكەن ورىندى. ناتيجەسىندە بۇل باعىتتاعى كىرىس 2021-جىلدىڭ قورىتىندىسىندا 45 پايىزعا كوبەيدى»، - دەدى نازيرا نۇربايەۆا.
