اگرارلىق ۋنيۆەرسيتەتتەر عىلىم مينيسترلىگىنە بەرىلۋى مۇمكىن

None
استانا. قازاقپارات - پرەمەر- مينيستر ءاليحان سمايىلوۆ ءماجىلىس دەپۋتاتتارىنىڭ ساۋالىنا جولداعان جاۋابىندا اگرارلىق ۋنيۆەرسيتەتتەردىڭ قالاي ترانسفورماتسيالانىپ جاتقانى تۋرالى مالىمەت بەردى، دەپ حابارلايدى قازاقپارات ءتىلشىسى.

«ۇلتتىق اگرارلىق عىلىمي- ءبىلىم بەرۋ ورتالىعى» كوممەرتسيالىق ەمەس اكسيونەرلىك قوعامىنىڭ قىزمەتىن ترانسفورماتسيالاۋ باعىتىندا جۇمىس جۇرگىزىلىپ جاتىر. بۇل ترانسفورماتسيا ۇلتتىق اگرارلىق عىلىمي- ءبىلىم بەرۋ ورتالىعىنىڭ وڭىرلىك عىلىمي جانە تاجىريبەلىك ۇيىمدارىن ءۇش اگرارلىق جوعارى وقۋ ورنىنىڭ قۇرامىنا بەرۋدى كوزدەيدى. ولار: «قازاق ۇلتتىق اگرارلىق زەرتتەۋ ۋنيۆەرسيتەتى» ك ە ا ق، «س. سەيفۋللين اتىنداعى قازاق اگروتەحنيكالىق زەرتتەۋ ۋنيۆەرسيتەتى» ك ە ا ق، «جاڭگىر حان اتىنداعى باتىس قازاقستان اگرارلىق- تەحنيكالىق ۋنيۆەرسيتەتى» ك ە ا ق» ، - دەلىنگەن جاۋاپتا.

ءاليحان سمايىلوۆتىڭ ايتۋىنشا، اۋىل شارۋاشىلىعى مينيسترلىگى وسى ءىس- شارالاردى اياقتاعاننان كەيىن اتالعان جوعارى وقۋ ورىندارىن عىلىم جانە جوعارى ءبىلىم مينيسترلىگىنە بەرۋ ماسەلەسى قارالادى.

اۆتور:

ەسىمجان ناقتىباي

سوڭعى جاڭالىقتار