20:41, 21 - ماۋسىم 2023 | GMT +6
الماتىلىقتاردى ورتالىقتان شىققان اتىس داۋىسى شوشىتتى
استانا. قازاقپارات - الماتىدا دوستىق داڭعىلى بويىنان شىققان اتىس داۋىسى تۇرعىنداردى شوشىتتى، - دەپ حابارلايدى Massaget.kz ءتىلشىسى.
بۇل ۆيدەو Telegram-ارنالاردىڭ بىرىندە پايدا بولدى. وندا الماتىدا دوستىق داڭعىلى بويىنداعى كوپقاباتتى ۇيلەردىڭ تۇرعىندارى ق ر ۇ ق ك شەكارا اكادەمياسىنان شىققان اتىس دىبىستارىنان شوشىعانى ايتىلعان.
الماتىلىقتار بىلتىرعى قاڭتار وقيعاسىنا قايتا تاپ بولعانداي سەزىمدە بولعانىن ايتتى.
بۇل ۇ ق ك شەكارا اكادەمياسىندا دايىندىق كەزدە اتىلعان وق ەكەنى انىقتالدى.
قازىر مەكەمەدە جاس وفيتسەرلەردى شىعارىپ سالۋ راسىمىنە دايىندىق ءجۇرىپ جاتىر. ۇ ق ك مالىمەتىنشە، ءىس-شارا 24- ماۋسىمدا وتەدى.
