قۇربان ايت مەرەكەسىندە قانداي سانيتاريا تالاپتارىن ساقتاۋ كەرەك
سپيكەر قۇربان ايتتى مەرەكەلەۋ كەزىندە مال سويۋ جانە ساتۋ پۋنكتەرىندە سانيتاريالىق نورمالاردى ساقتاۋ قاجەتتىگىن ايتتى.
«مال ساتۋ مەن سويۋ جۇمىسىن ۆەتەريناريالىق قىزمەتتىڭ رۇقساتىمەن ءاربىر اۋىل شارۋاشىلىعى جانۋارىنا ءتيىستى ۆەتەريناريالىق قۇجاتى بار ورىنداردا جاساۋ قاجەت. مال سويۋدان كەيىن قالدىقتاردى ۋاقتىلى زارارسىزداندىرۋ جانە شىعارۋ، جەكە گيگيەنا ەرەجەلەرىن قاتاڭ ساقتاۋ قاجەت» ، - دەدى گاۋحار كاتكەنوۆا.
ونىڭ ايتۋىنشا، قازىرگى ۋاقىتتا قالادا جەدەل ىشەك ينفەكتسياسى اۋرۋلارى ءجيى تىركەلۋدە.
وسىعان بايلانىستى قوعامدىق تاماقتانۋ ورىندارى مەن مەشىتتە ءىس- شارا وتكىزۋ كەزىندە ءبىرقاتار ەرەجەلەرگە ەرەكشە نازار اۋدارۋ كەرەك.
«تاماق تانۋ وبەكتىلەرىنىڭ قىزمەتكەرلەرىندە مەديتسينالىق تەكسەرۋلەر مەن مەديتسينالىق كىتاپشالار بولۋى كەرەك، ارنايى كيىم كيىپ تاماق دايىنداۋ، دارەتحاناعا بارار الدىندا ارنايى كيىمدى شەشۋ، تاماق دايىنداۋدى، تاراتۋدى جۇزەگە اسىراتىن جۇمىسكەرلەر دەنەسىنىڭ اشىق جەرلەرىن تەكسەرەتىن جاۋاپتى ادامدى انىقتاۋ، ءىرىڭدى جارالار، قولىندا ۇساق جاراقاتتار انىقتالعان جاعدايدا ولاردى جۇمىستان شەتتەتۋ، تازالىقپەن اينالىساتىن ادامداردى تاماق دايىنداۋعا جانە ىدىس جۋۋعا جىبەرمەۋ، تاماق دايىنداۋ تەحنولوگياسىن ساقتاۋ، دايىن ءونىم ءۇشىن شيكى ەتكە ارنالعان كەسۋ تاقتالارىن، پىشاقتاردى، ىدىستاردى پايدالانباۋ كەرەك، تەز بۇزىلاتىن تاعامداردى تۇتىنۋدان ساق بولىڭىز، ازىق- تۇلىك ونىمدەرىن توڭازىتقىشتا تاۋارلىق كورشىلىكتى ەسكەرە وتىرىپ ساقتاڭىز (شيكى ونىمدەر مەن دايىن ونىمدەردى ءبىر سورەدە ساقتاۋعا بولمايدى) ، ونىمدەردىڭ ساپاسى مەن قاۋىپسىزدىگىن راستايتىن قۇجاتتار بولۋ كەرەك، كەزدەيسوق ادامداردان نەمەسە رۇقسات ەتىلمەگەن ساۋدا ورىندارىنان ازىق- تۇلىك ساتىپ الماعان ءجون» ، - دەدى الماتى قالاسىنىڭ سانيتاريالىق- ەپيدەميولوگيالىق باقىلاۋ دەپارتامەنتى باسشىنىڭ ورىنباسارى گاۋحار كاتكەنوۆا.
ەسكە سالايىق، قازاقستان مۇسىلماندارى ءدىني باسقارماسىنىڭ باسپا ءسوز حاتشىسى اعابەك قونارباي ۇلى جەلىدەگى پاراقشاسىندا قازاقستاندا قۇربان ايت مەرەكەسى 28-ماۋسىمدا باستالاتىنىن جازعان بولاتىن.
