گيمالايداعى مۇزدىقتار ەرىپ جاتىر

استانا. قازاقپارات- «مۇنىڭ سالدارى وتە اۋىر بولادى»، - دەيدى عالىمدار. ويتكەنى تاۋلى ايماقتا 240 ميلليون ادام تۇرادى. ەرۋ وسىلاي جالعاسا بەرسە 2100 -جىلعا قاراي الەمدەگى ەڭ بيىك تاۋداعى مۇزدىقتاردىڭ 75 پايىزى جويىلىپ، سوڭى الاپات تاسقىنعا ۇلاسىپ، اۋىزسۋ تاپشى بولۋى مۇمكىن.

بۇعان ءبىرىنشى كەزەكتە عالامدىق جىلىنۋ سەبەپ. نەگىزى مۇزدىقتاردىڭ بەلسەندى تۇردە ەرۋى 2010 -جىلى باستالدى.

ميريام دجەكسون، مۇز قاباتى بويىنشا مامان:

- مۇزدىقتاردىڭ ەرۋىنە اۋاعا زياندى گاز قالدىقتارىنىڭ ءبولىنۋى تىكەلەي سەبەپ بولىپ وتىر. نەگىزى ءبىز عالامدىق جىلىنۋ كورسەتكىشىن 1 جارىم گرادۋس دەڭگەيىندە ۇستاۋىمىز كەرەك. بىلاي قاراساڭىز، 2100 -جىلعا دەيىن ۇزاق ۋاقىت بار سياقتى، ءبىراق قازىردەن قامدانباساق، ميلليونداعان ادام ۇلكەن زارداپقا ۇرىنعالى تۇر. جىل سايىن مۇز بەن قاردىڭ قالىڭدىعى جۇقارىپ جاتىر.

www.24.kz